my samachar.in-અમદાવાદ:
ગુજરાત લોકસભાની ચૂંટણીની તૈયારીના ભાગરૂપે આવતી કાલે ગાંધીનગર કમલમ ખાતે બેઠકોનો દૌર શરૂ થશે અને જામનગર જીલ્લાના લોકસભા બેઠકના પ્રભારી સહિત તમામ લોકસભા બેઠકના પ્રભારીઓની બેઠકનું આયોજન કરવામાં આવ્યું છે ત્યારે તમામ લોકસભાની બેઠક જીતવા માટે વ્યૂહરચના ઘડી કાઢવા માટે સલાહ-સુચન થી માંડીને નવા-જૂના ચહેરા બદલવાના ફેરફારો ઉપર ધ્યાન કેન્દ્રિત કરવામાં આવશે,
ગુજરાતમાં લોકસભા ચૂંટણીને ધ્યાનમાં રાખીને ભાજપે તૈયારી આરંભી દઈને ૨૬ બેઠકમાં પ્રભારી અને સહપ્રભારીની નિમણૂક કરીને દરેક બેઠક પર પ્રભારીઓ દ્વારા ભાજપના તમામ આગેવાનો સાથે બેઠક યોજી મંતવ્યો મેળવ્યા હતા,
ત્યારે આવતી કાલે સવારે ગાંધીનગર ભાજપના કમલમ કાર્યાલય ખાતે જામનગર જીલ્લાના પ્રભારી સહિત તમામ લોકસભા બેઠકના પ્રભારીઓની પ્રથમ બેઠક મળશે,જેમાં મુખ્યમંત્રી વિજય રૂપાણી પણ હાજરી આપશે,
આવતી કાલે સવારે પ્રભારીઓની બેઠક બાદ તબક્કાવાર લોકસભા આયોજન સમિતિની,સોશિયલ મીડિયા મેનેજમેંટ વગેરેની બેઠકનું આયોજન કરવામાં આવ્યું છે,
આમાં કોંગ્રેસ લોકસભાની ચૂંટણીને લઈને મનોમંથન કરી રહી છે ત્યારે ભાજપ દ્વારા તમામાં લોકસભાની બેઠકના પ્રભારીઓની નિમણૂક કરીને લોકસભા ચૂંટણીની તૈયારીઓ આરંભી દઈને બેઠકોનો ધમધમાટ શરૂ થતાં આગામીઓ દિવસોમાં રાજકીય ગતિવિધિઓ તેજ થશે.
