Mysamachar.in-બનાસકાંઠા
બનાસકાંઠા જીલ્લાના પાલનપુર તાલુકાના ગઠામણ ગામ નજીક સધીમાંના મંદિર પાછળ આવેલા એક ખેતરમાં ગુરુવારે સાંજે ખેતરમાં પશુઓને પ્રવેશતાં રોકવાના ઝટકા મશીનના વીજ-કરંટ લાગતાં માતા અને બે સંતાનનાં મોત નિપજ્યા હોવાના ઘટના સામે આવી છે, જોકે આ અંગે મોડી સાંજ સુધી પોલીસ ફરિયાદ નોંધાઈ ન હતી. જ્યાં ખેતરમાં ભૂંડ તેમજ અન્ય પશુઓ ખેતીના પાકને નુકસાન ન કરે એ માટે ઝટકા મશીન મૂકી તેના વીજ વાયર ખેતર ફરતે ગોઠવ્યા હતા. ગત સાંજે ખુશાલભાઈ હીરાભાઇ જગાણિયાના પુત્ર ભાવેશભાઈની પત્ની કોકિલાબેન અને બાળકો જૈમિન (ઉં.વ 12) અને વેદુ (ઉં.વ.10) ખેતર પાસેથી પસાર થતાં ત્યારે આ વીજ વાયરની ઝપેટમાં આવતાં કરંટ લાગતાં માતા અને બંને પુત્રનાં ઘટનાસ્થળે જ મોત નીપજ્યાં હતાં.આમ ઝટકા મશીનને કારણે ત્રણ નિર્દોષોનો જીવ ગયો છે.
