ટ્રક અને બાઈક અથડાયા, 2 ના થયા મોત

Mysamachar.in-બનાસકાંઠા

રાજ્યમાં અકસ્માતની વધુ એક ઘટના સામે આવી છે, જેમાં બનાસકાંઠા જીલ્લાના દાંતા નજીક કણબીયાવાસ તરફ જતા ઘાટી માર્ગ પર ટ્રક અને બાઈક સામસામે ટકરાતાં બાઇક પર સવાર એક સ્ત્રી અને પુરુષનું ઘટના સ્થળે જ મોત નીપજ્યું હતું. આઇશર ટ્રક સામે બાઇક ધડાકાભેર અથડાતા ભયંકર અકસ્માત સર્જાયો હતો, ઘટનાની જાણ દાંતા 108 સહિત દાંતા પોલીસને થતાં તાત્કાલિક ઘટના સ્થળે પહોંચી આગળની કાર્યવાહી હાથ ધરી હતી. બન્ને મૃતકોના મૃતદેહને દાંતા રેફરલમાં ખસેડવામાં આવ્યા હતા.