Mysamachar.in:સુરત
સુરતમાં વેલંજાથી નવી પારડી જતી પિકઅપનું ડ્રાઈવર સાઈડનું આગળનું વ્હીલ ફાટી જતાં પિકઅપે ડિવાઈડર કૂદાવી સામેથી આવતી બે બાઈક અને રાહદારીને અડફેટે લેતાં એક મહિલા સહિત ચાર વ્યક્તિનાં મોત નીપજ્યાં હતાં. આ ચાર મૃતકોમાં દંપતીનો પણ સમાવેશ થાય છે. ગતરાત્રીના વેલંજા તરફથી આવતી મહિન્દ્રા બોલેરો પિકઅપ નં.(RJ-19-GF-8840)નું ડ્રાઈવર સાઈડનું આગળનું વ્હીલ ફાટી ગયું હતું. એ સાથે પિકઅપ ડિવાઈડર કૂદાવી સામેના ટ્રેક પર સામેથી આવતા બાઈકચાલકો અને રાહદારીઓને અડફેટ લીધા હતા. ઘટના બાદ પિકઅપ ચાલક નાસી છૂટ્યો હતો. અકસ્માત થતાં જ અંત્રોલીના લોકો મદદે દોડી આવ્યા હતા.
