Mysamachar.in-સુરત:
રાજ્યના મેટ્રો સિટીમાં કેટલીય વખત એવું સામે આવી ચુક્યું છે કે સ્પા મસાજ પાર્લરની આડમાં દેહવ્યાપાર ધમધમતો હોય અને પોલીસે બાતમી મળતા દરોડા કર્યા હોય આવા જ વધુ એક સ્પામાં પોલીસે રેડ કરી વિદેશી યુવતીઓ અને ગ્રાહકોને ઝડપી પાડ્યા છે, સુરત શહેર મિસિંગ સેલ ક્રાઇમ બ્રાન્ચ ટીમે વેસુના એક સ્પામાં ચાલતા કૂટણખાના પર દરોડા પાડતા ભાગદોડ મચી ગઇ હતી. સોમેશ્વરા સર્કલ પાસેના કોમ્પ્લેક્ષના આર-વન સ્પામાં રેડ દરમિયાન થાઈલેન્ડની 6 યુવતીઓ મળી હતી અને 3 ગ્રાહક અને સંચાલક પણ મળી આવ્યા છે, મળી આવેલી તમામ 6 યુવતીઓ થાઇલેન્ડની હોવાનું તપાસમાં બહાર આવ્યું છે. એટલું જ નહીં પણ 3 ગ્રાહક અને એક સંચાલકની પણ પોલીસે ધરપકડ કરી કાયદેસરની કાર્યવાહી હાથ ધરી છે.
યુવતી ટુરિસ્ટ વિઝા પર સુરત આવી હોવાનું અને ત્યારબાદ કામ કરતી હોવાનું હાલ બહાર આવ્યું છે. એટલું જ નહીં પણ પોલીસે તમામ યુવતીઓને તેમના દેશ પરત મોકલવાની કાર્યવાહી શરૂ કરી છે.પોલીસે જણાવ્યું કે આર-વન સ્પા મસાજ પાર્લરમાં દેહવેપારનો વેપલો ચાલી રહ્યો હોવાની બાતમી બાદ રેડ કરવામાં આવી હતી. જયાંથી પોલીસે 6 વિદેશી મહિલાઓને પકડી પાડવામાં આવી હતી. સ્પામાંથી પોલીસે રોકડા રુપિયા 34400 તથા મોબાઈલ ફોન નંગ-5 જેની કુલ્લે કિંમત 1,04,000 તથા કુલ કોન્ડોમ નંગ 12, એક સ્વાઈપ કાર્ડ મશીન જેની કિં. રૂ. 3000 મળી કુલ રુ 1,41,400 નો મુદ્દામાલ કબ્જે કરી ગુન્હો દાખલ કરવામાં આવ્યો છે.
