Mysamachar.in:વલસાડ
વલસાડ રૂરલ પોલીસની ટીમે પેટ્રોલિંગ દરમિયાન એક કારમાં બનાવેલા ચોરખાનામાંથી 173 કિલો ચાંદીના પાયલનો શંકાસ્પદ જથ્થો જપ્ત કરી ત્રણ શખસની અટકાયત કરી કારની તલાશી લેતાં સીટની પાછળના ભાગે એક ચોરખાનું બનાવેલું મળ્યું હતું, જેની તલાશી લેતાં એમાંથી 46 પ્લાસ્ટિકની બેગ મળી હતી. એમાં ચાંદીના પાયલ હતા. એનું વજન 173 કિલો ગ્રામ અને કિંમત અંદાજે એક કરોડ રૂપિયાથી વધારે થાય છે. દાગીનાનો જથ્થો કોલ્હાપુરથી ઉદયપુર લઈ જવામાં આવી રહ્યા હતા પરંતુ વલસાડ રૂરલની ટીમ પેટ્રોલિંગમાં હતી ત્યારે આ કાર વલસાડ પાસેથી પસાર થતાં પોલીસે શંકાસ્પદ લાગતી કારને રોકવાનો પ્રયાસ કર્યો હતો.
શરૂઆતમાં તો પોલીસને કારમાં કંઈ દેખાયું ન હતું, પરંતુ સીટની પાછળ ચેક કરતાં એક લોકવાળું ચોરખાનું બનાવેલું જોવા મળ્યું હતું, જે ખોલાવતાં એમાંથી એક બાદ એક 46 પ્લાસ્ટિકની બેગ મળી આવી હતી, જેમાં ચાંદીનાં પાયલ હતાં. પોલીસે આ દાગીનાનું બિલ માગતાં કારમાં સવાર લોકો રજૂ કરી શક્યા નહોતા. પોલીસે શંકાના આધારે આ જથ્થો કબજે લીધો છે અને ત્રણેય શખસની પૂછપરછ હાથ ધરી છે. પોલીસ કારના ચોરખાનામાંથી જે 173 કિલો ચાંદીના દાગીના કબજે કર્યા છે, એની કિંમત અંદાજે એક કરોડ રૂપિયા કરતાં વધુ થવા જાય છે.
