Mysamachar.in-આણંદ:
આણંદ થી ચકલાસી જતી એસટી બસનો ચાલક ચાલુ બસે જ બેભાન થતા આણંદ શહેરના ભરચક વિસ્તારમાં ત્રણ વાહનોને હડફેટે લીધા હતા. જેમાં બે વિજપોલ પણ તૂટ્યા હતા. આ અંગેની મળતી વિગતો એવી છે કે આણંદ લક્ષ્મી ચાર રસ્તા પાસે આ ઘટના બની જેમાં ત્રણ જેટલી ગાડી અને એક વીજપોલને નુકસાન પહોંચ્યું હતુ. બસમાં 20 જેટલા મુસાફરો મુસાફરી કરી રહ્યા હતા. આ અકસ્માતની ઘટનાના CCTV સામે આવ્યા હતા. ચાલુ બસમાં ડ્રાઇવરની તબિયત લથડતા સમગ્ર ઘટના સર્જાઇ હતી. જેમાં ચકલાસી જતી ST બસને અકસ્માત નડ્યો હતો. ત્યારે સમગ્ર ઘટનામાં ત્રણ વાહનોને નુકસાન પહોંચ્યું હોવાનું બસ કંડક્ટર અરવિંદ ભાઈએ જણાવ્યુ હતુ. જો કે જે ડ્રાઈવરથી આ અકસ્માત સર્જાયો તેને પણ અકસ્માત બાદ હોસ્પિટલ સારવાર અર્થે ખસેડવામાં આવ્યો હતો
