Mysamachar.in-મોરબી:
આજે વહેલી સવારે મોરબી નજીક માળીયા ફાટક ચોકડી પાસે ચોબલ સવારીમાં જઈ રહેલ બાઇકને અજાણ્યા વાહને અડફેટે લેતા બાઈકમાં સવાર ચારેય યુવાનોના ઘટનાસ્થળે મોત નિપજ્યા છે, જ્યારે એક વ્યક્તિને ઇજા થતાં તેને સારવાર માટે ખાનગી હોસ્પિટલમાં ખસેડવામાં આવેલ છે મળતી માહિતી મુજબ રાજસ્થાનથી રોજગારી માટે મોરબીમાં ચારેય યુવાનો આવેલ હતા અને આજે વહેલી સવારે પીપળી રોડ ઉપરથી એક યુવાન બાઇક લઈને લેવા માટે આવ્યો હતો ત્યારે તેના બાઇકને અજાણ્યા વાહને હડફેટે લેતા ચાર યુવાનોના મોત નિપજ્યા છે જેથી કરીને પોલીસે આ બનાવની નોંધ કરીને અકસ્માત સર્જી નાસી છુટેલા વાહન પકડવા માટે અને ફરિયાદ લેવા માટે તેને તજવીજ હાથ ધરી છે.
એક જ બાઇક લઈને પાંચ યુવાનો જતા હતા ત્યારે તેના બાઇકને અજાણ્યા વાહન દ્વારા હડફેટ લેવામાં આવ્યું હતું તેથી કુલ મળીને ચાર વ્યક્તિઓના મોત નિપજ્યા છે. જેમાં બે સગા ભાઈ શિવાજી પ્રતાપભાઈ ગામેતી સુરેશ પ્રતાપભાઈ ગામેતી, તેજારામ વક્તરામ ગામેતી, અને શિવાજી પ્રતાપભાઇ ગામેતીનો સાળો જેની આમ કુલ મળીને ચાર વ્યક્તિઓના મોત નિપજ્યા હતા. મૃતક ચારેય રાજસ્થાનના ઉદયપુર જિલ્લાના ઘોઘુંદા તાલુકાના મૌખી ગામના રહેવાસી છે અને ત્યાંથી રોજગારી મેળવવા માટે આજે સવારે જ રાજસ્થાનથી આવેલ એસટીની બસમાં મોરબી આવ્યા હતા અને તેને લેવા માટે મોરબીના પીપળી રોડ ઉપર આવેલ યમુના હોટલમાં કામ કરતો દિનેશ નામનો વ્યક્તિ આવ્યો હતો જેને ઇજા થઈ હોવાથી તેને પ્રથમ મોરબીમાં સારવાર માટે લઈ જવામાં આવ્યો હતો.
