Mysamachar.in-મોરબી
રાજકોટ આર.આર.સેલની ટીમને હકીકત મળેલ કે હિરા કોળી નામનો શખ્સ પોતાના સાગરીતોને સાથે રાખી ગેરકાયદેસર પ્રાણઘાતક હથિયારો સાથે મોરબીના જાંબુડીયા ગામ પાવર હાઉસ રોડ ઉપર આવેલ સહયોગ મીનરલ કારખાનાની ઓફિસમાં ઘાડ કરવાના ઇરાદે તૈયારી સાથે હાલ ઉંચી માંડલ ગામ મોરબી-હળવદ રોડ ઉમીયા હાર્ડવેર સામે આવેલ નાલા પાસે એકઠા થયેલ હોવાની ચોક્કસ હકીકત મળતા તુરત જ હકીકત વાળી જગ્યાએ પહોંચી શંકાસ્પદ હાલતમાં….
2-મોટર સાયકલ સાથે કુલ 4 ઇસમોને આધાર પુરાવા કે લાઇસન્સ વગરની રિવોલ્વર-1, કર્ટિસ-3, છરી-1, લોખંડનો પાઇપ-1 તથા લાકડાનો ધોકો-1 સાથે મળી આવતા આરોપીઓ હીરાભાઈ રંગપરા, વિશાલ યાદવ, સુરેશભાઇ હતવાણી, અશોકભાઇ સારદીયા હોવાનું જણાવતા તમામ આરોપીઓને મોરબી-હળવદ રોડ ઉંચીમાંડલ ગામ પાસેથી ધોરણસર અટક કરી પ્રાણધાતક હથિયારો મોટરસાયકલ તથા મોબાઈલ ફોન મળી કુલ 1,13,350/- નો મુદામાલ કબ્જે કરી તમામ વિરુદ્ધ મોરબી તાલુકા પો.સ્ટે.ગુનો રજી કરાવી આગળની કાયદેસરની કાર્યવાહી કરેલ છે. આ કાર્યવાહી આર.આર.સેલ રાજકોટ ટીમના પી.એસ.આઈ.વી.બી.ચૌહાણ સ્ટાફના જયદીપ અનડકટ, સુરેશ હુંબલ, રસિક પટેલ, મદારસિંહ મોરી, શિવરાજ ખાચર વગેરે દ્વારા કરવામાં આવી હતી.
