Mysamachar.in-જામનગર:
જામનગરમાં છેલ્લા 50 વર્ષથી 10, 000થી વધુ બ્રાસપાર્ટના નાના – મોટા ઉદ્યોગો કાર્યરત છે. જી.આઈ.ડી.સી. પ્લોટ અન્ડ શેડ હોલ્ડર્સ એસોસીએશન દ્વારા જામનગરના ઉદ્યોગોને નવી ટેકનોલોજી અંગે માર્ગદર્શન અને નવીનીકરણ કરી શકે તે હેતુથી અલગ અલગ કાર્યક્રમોનું આયોજન કરતુ રહે છે, આવું જ એક સફળ આયોજન આ વર્ષે પણ કરવામાં આવ્યું છે, આજથી જીલ્લાના મહાનુભાવો અને હોદેદારોની ઉપસ્થિતિમાં ટેક ફેસ્ટ 2024ને ખુલ્લો મુકવામાં આવ્યો ત્યારે ઉદ્યોગકારોમાં એક અનેરો ઉત્સાહ જોવા મળ્યો હતો,
જેમાં ગુજરાત પોલ્યુસન કંટ્રોલ બોર્ડ, ઈન્ડસ્ટ્રીયલ એકસટેન્સન બ્યુરો ગુજરાત ઈન્ડસ્ટ્રીયલ ડેવલોપમેન્ટ કોર્પોરેશન, મીનીસ્ટ્રી ઓફ એમ.એસ.એમ.ઈગર્વમન્ટ ઓફ ઈન્ડીયા, ગુજરાત એનર્જી ડેવલોપમેન્ટ એજન્સી, ઘી નેશ્નલ સ્મોલ ઈન્ડસ્ટ્રીઝ કોર્પોરેશન લીમીટેડ, ફેડરેશન ઓફ ઈન્ડસ્ટ્રીઝ એસોસીએશન ગુજરાત, જામનગર ચેમ્બર ઓફ કોમર્સ એન્ડ ઈન્ડસ્ટ્રીઝ, રાજકોટ ચેમ્બર ઓફ કોમર્સ એન્ડઈન્ડસ્ટ્રીઝ, રાજકોટ એન્જીનીયરીંગ એસોસીએશન, જામનગર એક્ઝીમ મેટલ મરચન્ટ એસોસીએશન, શ્રી જામનગર બ્રાસ ફાઉન્ડ્રી એસોસીએશન, મશીન ટુલ્સ મેન્યુ ફેક્ચર્સ એસોસીએશન, જામનગર ઈલેક્ટ્રોપ્લેટર્સ એસોસીએશન, સાપર વેરાવલ ઈન્ડસ્ટ્રીયલ એસોસીએશન, જી.આઈ.ડી.સી. (લોધીકા) ઈન્ડસ્ટ્રીયલ એસોસીએશન, શ્રી જામનગર સહકારી ઉદ્યોગ સંગ લીમીટેડ, સાઉથન ગુજરાત ચેમ્બર ઓફ કોમર્સ એન્ડ ઈન્ડસ્ટ્રીઝ પણ ભાગ લઈ રહી છે. સમગ્ર આયોજનને ઈન્ડસ્ટ્રીયલ કમીશ્નરેટ વનમેન્ટ ઓફ ગુજરાતનો સહયોગ મળી રહયો છે.
આ આયોજન જી.આઈ.ડી.સી. પ્લોટ અને શેડ હોલ્ડર્સ એસોસીએશન (દરેડ) અને લઘુ ઉદ્યોગ ભારતી સાથે સનલાઈન ઈન્ફોટેક ઈવેન્ટ ઈન્ડીયા જોડાયેલ છે. જામનગર ટેક ફેસ્ટ આજે તારીખ 4 જાન્યુઆરીના રોજ સવારે 9:30 કલાકે 5.નવતનપુરી ધામના આચાર્ય શ્રી, કૃષ્ણપ્રણામી સંપ્રદાય, જગતગુરૂ 108 શ્રી કૃષ્ણમણીજી મહારાજના આર્શિવચન સાથે ગુજરાત રાજયના કૃષિમંત્રી રાઘવજી પટેલ દ્વારા ખૂલ્લો મુકાયો. આ પ્રસંગે સાંસદ પૂનમબેન માડમ, ધારાસભ્ય દિવ્યેશ અકબરી, ધારાસભ્ય ધારાસભ્ય મેઘજી ચાવડા સહીતના અગ્રણીઓ ઉપરાંત અનેક ઉદ્યોગપતિઓ તેમજ ઔદ્યોગિક સંસ્થાઓના હોદેદારો અને મહાનુભાવો ઉપસ્થિત રહયા હતા. તેમજ ચેમ્બર ઓફ કોર્મસના પ્રમુખ બિપેન્દ્રસિંહ જાડેજા પણ હાજર રહ્યા હતા.
સમગ્ર કાર્યક્રમને સફળ બનાવવા જી.આઈ.ડી.સી. પ્લોટ અન્ડ શેડ હોલ્ડર્સ એસોસીએશનના પ્રમુખ દિનેશભાઈ ડાંગરીયા, મંત્રી વિશાલભાઈ લાલકીયા, સહમંત્રી વિપુલભાઈ હરીયા, ખજાનચી દિનશેભાઈ નારીયા, લઘુ ઉદ્યોગભારતીના પ્રમુખ રાજેશભાઈ ચોવટીયા,ઈવેન્ટ ચેરમેન જીગ્નનેશભાઈ વિરાણી, ઈવેન્ટ વાઈસ ચેરમેન કેતનભાઈ બોરસદીયા સાથે બન્ને સંસ્થાઓની સમિતિના સભ્યો જહેમત ઉઠાવી રહયા છે.
જી.આઈ.ડી.સી. પ્લોટ અન્ડ શેડ હોલ્ડર્સ એસોસીએશનના પ્રમુખ દિનેશભાઈ ડાંગરીયાએ વધુ માહિતી આપતા કહ્યું કે આશરે 2 મહીનાથી બન્ને એશોશીએશનની કારોબારીના સભ્યો ખંભે ખંભો મિલાવીને જહેમત ઉઠાવી રહયા છે. અમારી ટીમ 60 સભ્યોની ટીમ છે.આ અમારૂ એકઝીબીશન લગભગ 50,000 મીટરમાં આયોજન કરવામાં આવેલ છે 13 ડોમ સાથે અલગ અલગ નવી મશીનરી, ટેકનોલોજીના લાઈવ મશીન જોવા મળશે તેમજ અલગ અલગ ઈન્ડેકશન કંપનીઓ પોતાની ટેક્નોલોજી માહીતગાર કરશે.
