Mysamachar.in-દેવભૂમિ દ્વારકા
જામનગર નજીક આવેલ દેવભૂમિ દ્વારકા જીલ્લાના કલેકટરે દેવભૂમિ દ્વારકા જીલ્લાના ગૌરવમાં વધારો કર્યો છે, રાજ્યપાલની ઉપસ્થિતિમાં વર્ચ્યુલ યોજાયેલ કાર્યક્રમમાં રાજ્યના તમામ જીલ્લાઓ પૈકી બે જીલ્લા કલેકટરોને શ્રેષ્ઠ ચુંટણી અધિકારી તરીકે નવાઝવામાં આવ્યા જેમાં સૌથી પહેલુ નામ દેવભૂમિ દ્વારકા જીલ્લા કલેકટર અને જીલ્લા ચુંટણી અધિકારી ડો.નરેન્દ્રકુમાર મીણાનું છે. ચુંટણીઓ દરમિયાન યોગ્ય વ્યવસ્થાઓ ઉપરાંત મતદારયાદીના કાર્યક્રમો સહિત ચુંટણીને લગત દરેક કામગીરીમાં પોતાની ટીમ સાથે સુચારુ સંકલન સાધી અને ઉત્કૃસઠ કામગીરી કરનાર ડો.નરેન્દ્રકુમાર મીણાએ દેવભૂમિ દ્વારકા જિલ્લાને ગૌરવપૂર્ણ સ્થાન અપાવ્યું છે.
