Mysamachar.in:મહેસાણા
મહેસાણાના વસાઈ નજીક આજે સવારે એસ.ટી બસે બંધ આઈસર વચ્ચે ગમખ્વાર અકસ્માત સર્જાયો જેમાં ભુજ-ખેડબ્રહ્મા રૂટની એસ.ટી બસ રોડના કિનારે બંધ પડેલા આઈસર પાછળ અથડાઈ હતી. ટક્કર એટલી જોરદાર હતી કે આઈસરનો પાછળનો ભાગ બસમાં ઘુસી ગયો હતો. જેમાં કંડક્ટર સહિત બે લોકોને ગંભીર ઈજા પહોંચી છે. તો એક મહિલાનું મોત નિપજ્યું છે. માહિતી પ્રમાણે, મહેસાણાના વસાઇ નજીક એસટી બસ એક આઇશર સાથે ટકરાઇ છે, અહીં બંધ પડેલી આઈશર સાથે અચાનક બસ અથડાઇ ગઇ હતી, આ બસનો રૂટ ભુજ ખેડબ્રહ્મા હતો અને અચાનક આઈશર સાથે બસ અથડાઈ જતાં એક મહિલા મુસાફરનું મોત થયુ છે. આ ઉપરાંત કંડકટર સહિત અન્ય બે મુસાફરને ગંભીર રીતે ઇજા પહોંચી છે. અકસ્માત ભયાનક હોવાના કારણે બસનો દરવાજો કાપીને બસમાં રહેલા મુસાફરોને બહાર કાઢવામાં આવ્યા હતા.
