Mysamachar.in-સુરેન્દ્રનગર:
રાજ્યમાં આજે સવારે વધુ એક ગમખ્વાર અકસ્માતની ઘટના સામે આવી છે, જેમાં ચાર લોકોના જીવનદીપ બુજાઈ ચુક્યા હોવાની માહિતી મળી રહી છે, આ અંગે પ્રાપ્ત પ્રાથમિક વિગતો મુજબ અમદાવાદ-કચ્છ હાઈવે ઉપર ધ્રાંગધ્રા બાયપાસ પાસે આજે ગમખ્વાર અકસ્માતની ઘટના સામે આવી છે. જેમાં સ્વિફટ કારમાં સવાર 4 લોકોનાં જીવ ગયા છે, અને 3 લોકો ઈજાગ્રસ્ત થયા છે, જેમાં સ્વિફટ કાર પલટી મારી ડિવાઈડરની બીજી સાઈડ ઉપર જઈ આઈસર સાથે અથડાઈ હોવાનું સામે આવી રહ્યું છે,અકસ્માતમાં સ્વીફ્ટ કારનો કચ્ચરઘાણ વળી ગયો હતો
આ અકસ્માતમાં ઈજાગ્રસ્ત થયેલાઓને 108 એમ્બ્યુલન્સ વાનમાં તાકીદે સારવાર માટે ધ્રાંગધ્રા સરકારી હોસ્પિટલ ખાતે ખસેડવામા આવ્યા હતા. આ અકસ્માતની ઘટનાના પગલે હાઈવે પર ટ્રાફિક જામનાં દૃશ્યો સર્જાયાં હતાં. અકસ્માતની ઘટનાની જાણ થતાં ધ્રાંગધ્રા પોલીસે તાકીદે બનાવના સ્થળે દોડી જઈ મૃતકોની લાશને પોસ્ટમોર્ટમ અર્થે ધ્રાંગધ્રા સરકારી હોસ્પિટલે મોકલી આપી અકસ્માતે મોત અંગેનો ગુનો દાખલ કરી વધુ તપાસ હાથ ધરી છે.
