Mysamachar.in-દેવભૂમિ દ્વારકા
રાજ્યમાં સતત વધી રહેલ અકસ્માતોની ઘટના વચ્ચે હાલમાં જ જે રીતે સમાચારો પ્રાપ્ત થઇ રહ્યા છે તે મુજબ દેવભૂમિ દ્વારકા જીલ્લામાં દ્વારકાના ધ્રેવાડ નજીક ટ્રક અને કાર વચ્ચે ગમખ્વાર અકસ્માત સર્જાયો છે, જેમાં કુલ 4 ના મોત થયાનું સામે આવી રહ્યું છે, જે ઘટનામાં ત્રણ લોકો ના ઘટના સ્થળે અને ગંભીર ઇજા પામેલ યુવતી નું સારવાર દરમિયાન મોત થયાની વિગતો સામે આવી રહી છે.
ઘટનામાં GJ-02-BD-8462 નંબરની અલ્ટો કાર દ્વારકા તરફથી આવી રહી હતી ત્યારે ધ્રેવાડ નજીક ટ્રકે જોરદાર ટક્કર મારતા કારનો કચ્ચરઘાણ નીકળી ગયો હતો. કારમાં સવાર લોકો અંદર જ ફસાઈ ગયા હતા. ઘટનાની જાણ થતા જ આસપાસમાંથી લોકો દોડી આવ્યા હતા. લોકોએ કારની અંદર ફસાયેલા લોકોને બહાર કાઢ્યા હતા. જો કે, ત્રણ વ્યક્તિનું ઘટનાસ્થળે જ અને એક યુવતીને ગંભીર ઈજા પહોંચતા તેના સારવાર માટે દ્વારકા હોસ્પિટસલ ખસેડાઈ હતી. પરંતુ યુવતીનું સારવાર દરમિયાન મોત નીપજ્યું હતું.
