Mysamachar.in-અમદાવાદ:
અમદાવાદમા ઘરે ઘરે મિનરલ વોટરની બોટલ મૂકવા જતા એક ડિલિવરી બોયની એવી તો હરકત સામે આવી છે કે મામલો પોલીસ સ્ટેશન સુધી પહોંચ્યો છે.ત્રણેક મહિનાથી વસ્ત્રાપુર વિસ્તારમાં મહિલાને ઘરે પાણીની બોટલો મૂકવા જતા ડિલિવરી બોયની નજર પરિણીત મહિલા પર બગડી હતી અને એક દિવસ ઘરમાં મહિલાને એકલાં જોઈને પોતાની તરફ ખેંચીને કહ્યું કે, ‘તું મને બહુ ગમે છે, મારી તારી સાથે શરીરસુખ માણવું છે.’ તેવી વાહિયાદ હરકત કરતા મહિલા ગભરાઈ ચૂકી હતી,
ડિલિવરી બોયની આ વાત સાંભળીને હતપ્રભ થઈ ચૂકેલી મહિલાએ પતિને ફોન કરતા તે પણ ઘરે આવી ગયો હતો, પરંતુ આ યુવક અને તેના મિત્રો સાથે મળીને મહિલાના પતિની ધોલાઈ કરી મારી નાખવાની ધમકી આપી હતી. આ ડિલિવરી બોય અને તેના મિત્રએ મહિલાના પતિને 3-4 લાફા ચોડી દીધા હતા, આ અંગે મહિલાની ફરિયાદના આધારે વસ્ત્રાપુર પોલીસે સાહિલ દેસાઈ નામના હોમ ડિલિવરી બોયની ધરપકડ કરી છે. જ્યારે તેની સાથેના મિત્રોની પણ શોધખોળ શરૂ કરી છે.
જો તમને અમારી આ પોસ્ટ વાંચવી ગમી હોય તો તેને લાઇક અને શેર કરો
આપના મોબાઈલના પ્લેસ્ટોરમાંથી Mysamachar.in ની એપ ડાઉનલોડ કરો અને ઝડપી સમાચાર મેળવો.
