Mysamachar.in-મોરબી
મોરબી જીલ્લાના ટંકારા-ખીજડીયા ચોકડી પાસે રોડ પરથી ટ્રકમાં મગદાળ, મસુરદાળના પ્લાસ્ટીકના બાચકાની આડમાં સંતાડવામાં આવેલ અંગ્રેજી દારૂની 1284 બોટલ દારૂ કિંમત 4,20,300 તથાટ્રક, મોબાઇલ મળી કુલ 14,30,300ના મુદ્દામાલ સાથે બે આરોપીઓને મોરબી એલ.સી.બી.એ દબોચી લીધા છે. પોલીસને ચોક્કસ બાતમી મળી હતી કે ટાટા ટ્રક નંબર RJ-19-GB-9636 મોરબી તરફથી ટંકારા તરફ જાય છે. જે ટ્રકમાં પ્લાસ્ટીક બાચકાની આડમાં અંગ્રેજી દારૂનો જથ્થો ભરેલ છે,
જે હકીકત આધારે પોલીસે ટંકારા રાજકોટ હાઇવે રોડ પર ખીજડીયા ચોકડી નજીક આવેલ છાપરી હોટલ પાસે રોડ ટ્રકને અટકાવી તપાસ કરતા મસુરદાળ તથા મગદાળના પ્લાસ્ટીકના બાચકાની આડમાં વિદેશી દારૂની જુદી જુદી બોટલો નંગ-1284, કી.રૂ. 4,30,300 તથા મોબાઇલ ફોન નંગ-02 કિ.રૂ.10,000 તથા ટ્રક નંબર-RJ-19-GB-9636 કી.રૂ.10,00,000 સહિત કુલ કી.રૂ.14,30,300 ના મુદામાલ સાથે છોટારામ પુનારામ ચૌધરી (રહે.બાવળી તરડોલી ઢાણી, તા.બાવળી જી.જોધપુર રાજસ્થાન) તથા પરમારામ રીડાસમ ગોદારા (રહે.બાવળી ગોદારાકી ઢાણી, તા.બાવળી જી.જોધપુર રાજસ્થાન) વાળને દબોચી લીધા હતા વધુ આ ગુન્હામા અન્ય એક શખ્સ દીપારામ હુડા (રહે. જોધપુર રાજસ્થાન)ની સંડોવણી ખુલતા પોલીસે વધુ તપાસ હાથ ધરી છે.
