Mysamachar.in-મોરબી
ગત મોડી રાત્રે મોરબી એ ડિવિઝન પોલીસ લીલાપર રોડ પર વાહન ચેકિંગની કામગીરી કરી રહી હતી ત્યારે ત્યાંથી કોલસો ભરેલો ટ્રક નં. RJ-04-CA-6377 ઓવરલોડ કોલસો ભરી નીકળતા પોલીસે તેને રોકી કાગળો બતાવવા માટે બોલવતા પણ ટ્રકનો ડ્રાઈવર અને કલીનર ટ્રક સાઈડમાં મૂકી પોલીસ પાસે આવવાના બદલે નાસી છુટ્યા હતા જેથી પોલીસને શંકા જતા આ ટ્રકને એ ડિવિઝન પોલિસ ગ્રાઉન્ડમાં અન્ય ડ્રાયવરની મદદથી પહોંચાડ્યો હતો અને આરટીઓ મારફત ટ્રકના માલિકની તપાસ શરૂ કરાવી અને ટ્રકમાં કોલસાની આડમાં ગેર પ્રવૃત્તિની શંકા જતા ચેક કરતા તેમાંથી વિદેશી દારૂની બોટલો નંગ 1080 કિં.રૂ. 3,24,000/- મળી આવતા દારૂની બોટલો, ટ્રક, કોલસો કિં.રૂ.56,000/- મળી કુલ રૂ. 13,80,000/- નો મુદમાલ કબજે કરી ટ્રકના ડ્રાયવર અને ક્લીનર સામે ગુનો નોંધી આગળની વધુ તપાસ હાથ ધરી આરોપીઓને ઝડપી પાડવા ચક્રો ગતિમાન કર્યા છે.
