દ્વારકાધીશ જગત મંદીર દ્વારકા “દિપોત્સવી ઉત્સવ” દરમ્યાન દર્શનાર્થીઓ માટે રહેશે ખુલ્લું

Mysamachar.in-દેવભૂમિ દ્વારકા:

વહીવટદાર દ્વારકાધીશ જગત મંદીર અને પ્રાંત અધિકારી દ્વારકાની એક યાદીમાં જણાવ્યા અનુસાર દિપાવલી નૂતનવર્ષ ઉત્સવ અન્વયે તા.2/11/2021 થી તા.06/11/2021 દરમિયાન “દિપોત્સવી ઉત્સવ” અંતર્ગત શ્રી દ્વારકાધીશ મંદીર દ્વારકા દર્શનાર્થીઓ માટે તા.2 અને 3 નવેમ્બરને વાઘબારશ તથા ધનતેરશ(રૂપચૌદશ ક્ષય તિથી)ના રોજના દર્શન માટે નિત્યક્રમ મુજબ ખુલ્લુ રહેશે.આ ઉપરાંત તા.4/11/2021ને ગુરુવારના રોજ દિપાવલીના દિવસે દર્શાનાર્થીઓ માટે શ્રી દ્વારકાધીશ જગત મંદીર શ્રીજીના દર્શન માટે નિત્યક્રમ મુજબ (અનોસર (મંદીર બંધ) બપોરે 1:00 કલાકે, ઉત્થાપન દર્શન સાંજે 5;00 કલાકે, હાટડી દર્શન રાત્રે 8:00 કલાકે તેમજ અનોસર (મંદીર બંધ) રાત્રે 9:45 કલાકે) રહેશે જ્યારે તા.5/11/2021ના રોજ શુક્રવારના દિવસે નૂતનવર્ષ અન્નકુટ ઉત્સવ દરમ્યાન સવારે 6:00 કલાકે મંગલા આરતી તથા અન્નકુટ દર્શન સાંજે 5:00 થી 7:00 કલાક સુધી અન્યથા મંદીર નિત્યક્રમ મુજબ ખુલ્લુ રહેશે. ભાઈબીજને તા.06/11/2021ના રોજ ભાઈબીજના દિવસે સવારે 7:00કલાકે મંગલા આરતી બાદ મંદીર નિત્યક્રમ મુજબ દર્શન માટે ખુલ્લુ રહેશે તેમ વધુમાં જણાવાયું છે.ઉલ્લેખનીય છે કે શ્રી દ્વારકાધીશ જગત મંદીર ખાતે શ્રીજીના દર્શને આવતા દર્શનાર્થીઓએ સરકારની કોવિડ 19ની ગાઈડલાઈનનું ચૂસ્ત પણે પાલન કરવાનું રહેશે.