Mysamachar.in-દેવભૂમિ દ્વારકા
દેવભૂમિ દ્વારકા જિલ્લા સાથે સમગ્ર રાજ્યમાં માંડકોરોનાનું સંક્રમણ ઓછુ થઈ રહ્યું છે. અને કેટલો સમય ઓછું રહે કોઈને ખબર નથી, એવામાં થોડું સંક્રમણ ઓછું થતા સર્વત્ર લોકો ફરવા-ફરવા નીકળી પડ્યા છે. દરમિયાન વિશ્વવિખ્યાત દ્વારકાનું જગતમંદિર પણ ખુલ્લું મુકાતા દર્શનની સાથે યાત્રાળુઓ-પ્રવાસીઓ નજીક આવેલા શિવરાજપુર બીચની મુલાકાત અવશ્ય જાય છે. દ્વારકા વિસ્તારમાં આવેલો શિવરાજપુર બીચ બ્લુ ફ્લેગ બીચ તરીકે સરકાર દ્વારા વિકસાવવામાં આવ્યો છે. બ્લુ ફેગ બીચના નિયમ અને સિજન મુજબ 1 જૂનથી 31 ઓગષ્ટ સુધી બીચમાં નહાવાની સખ્ત મનાઈ છે.
કારણ કે હાલ ચોમાસાની ઋતુમાં દરીયામાં ખુબ વધુ કરંટ હોય છે. જેના કારણે બ્લ્યુ ફ્લેગ બીચના નિયમો મુજબ અહીંના દરીયામાં નહાવા પર પ્રતિબંધ મુકવામાં આવ્યો છે. જેની જાણકારી માટે એન્ટ્રી ગેટ ઉપર નોટીસ બોર્ડ પણ લગાવાયો છે. પરંતુ અહીં મોજ કરવા આવતા લોકો આ બાબતને નજર અંદાજ કરે છે અને આ સ્થળે નહાવાની મોજ માણે છે. અને નીયમોની અમલવારી કરાવનાર કોઈ નથી.
નિયત ગાઇડલાઈનની અવગણના કરી લોકો જીવના જોખમે અહીં ન્હાવા પડે છે. શિવરાજપુર બીચ ખાતે પણ અગાઉની જેમ ગઈકાલે રવિવારે પણ ખુબ મોટી સંખ્યામાં સહેલાણીઓ ઉમટી પડ્યા હતા. હવે તંત્રએ આ મુદ્દે આકરા પગલા લેવા અનિવાર્ય જણાય છે. જો તંત્ર દ્વારા આ અંગે જો નક્કર પગલા લેવા મને હવે તો નહી તો જાનહાનિ થવાની પુરી સંભાવના હોવાનું પણ જાણકારો કહે છે, જેમ કોરોના કાળમાં માસ્કના નિયમો સાથે દંડની રકમ જેવી જોગવાઈઓ છે અને તંત્ર કડક કામગીરી કરે છે તે જ રીતે શિવરાજપુર બીચ વિસ્તારમાં ચોમાસા દરમિયાન અઘટિત બનાવ ન બને તે માટે તંત્ર અને સિક્યુરિટી દ્વારા મુક પેક્ષકની બની રહેવાના બદલે દંડ સહિતની કડક હાથે કાર્યવાહી કરવી એ ઈચ્છનીય ગણવામાં આવે છે.
