Mysamachar.in-દેવભૂમિદ્વારકાઃ
દેવભૂમિ દ્વારકાના ખોડિયાર ચેક પોસ્ટ નજીક બે સ્વીફ્ટ કાર વચ્ચે અકસ્માત સર્જાયો છે, જેમાં બે લોકોનાં મોત નીપજ્યા છે, જ્યારે ત્રણ લોકો ઘાયલ થયાનું જાણવા મળ્યું છે. અકસ્માત એટલો ગંભીર હતો કે એક વ્યક્તિનું તો ઘટનાસ્થળે જ મૃત્યુ નીપજ્યું હતું, જ્યારે અન્ય એક વ્યક્તિનું સારવાર દરમિયાન મૃત્યું નીપજ્યું છે. ઘાયલોને વધુ સારવાર માટે જામનગર ખસેડવામાં આવ્યા છે. પ્રાથમિક તપાસમાં બહાર આવ્યું કે સુરતમાં રહેતો એક પરિવાર દ્વારકાધીશના દર્શનાર્થે આવ્યો હતો, જે પરત ફરી રહ્યો હતો એ દરમિયાન આ દૂર્ઘટના સર્જાઇ છે. ઘટનાની જાણ થતાં પોલીસ કાફલો તથા 108 ઇમરજન્સી સ્ટાફ દોડી આવ્યા હતા, ઘાયલોને દ્વારકા સરકારી હોસ્પિટલમાં પ્રાથમિક સારવાર આપ્યા બાદ જામનગર ખસેડવામાં આવ્યા છે. પોલીસે હાલ અકસ્માત અંગે વિગતો નોંધવા સહિતની કામગીરી હાથ ધરી છે.
