Mysamachar.in-રાજકોટ:
રાજકોટમાં આજે આપઘાતનો ચોંકાવનારો બનાવ બન્યો છે. રાજકોટમાં યુવકના આપઘાતના લાઈવ દ્રશ્યો સામે આવ્યા છે. રાજકોટના ગ્રીન લેન્ડ ચોક નજીક યુવકે દોડતી ટ્રક નીચે પડતુ મૂકીને મોત વ્હાલુ કર્યું હતું. ટ્રકને આવતી જોઇ અચાનક યુવકે ટ્રકના ટાયર નીચે પડતું મૂક્યું હતું. રાજકોટમાં ગ્રીનલેન્ડ ચોકડી પાસે એક યુવકે જાહેરમાં આપઘાત કર્યો છે. ગ્રીનલેન્ડ ચોકડી પાસેથી પસાર થનારાઓ માટે આ એક શોકિંગ ઘટના હતી. એક ટ્રક અહીંથી પસાર થઈ રહી હતી ત્યારે એક યુવક ટ્રક પાસે આવ્યો હતો. ટ્રક થોડી આગળ ગઈ ત્યારે જ યુવક ટ્રકની નીચે કૂદી પડ્યો હતો. જેથી ટ્રકની પાછળના પૈડાં તેના શરીર પરથી પસાર થઈ ગયા હતા. આ જોઈ ટ્રક ચાલકે ટ્રક રોકી હતી. પરંતુ તે પહેલા જ યુવકનું મોત નિપજ્યુ હતું.
ટ્રકના વ્હીલ નીચે આવી જતા યુવાનનું મોત નિપજ્યાની માહિતી બી ડીવીઝન પોલીસને મળી હતી. જેના આધારે સ્ટાફ ઘટના સ્થળે પહોંચ્યો હતો. જ્યાં તપાસ ટ્રકના વ્હીલ હેઠળ યુવાને ઝંપલાવી આપઘાત કર્યો હોવાનું CCTV કુટેજના આધારે બહાર આવ્યું હતું. બનાવને પગલે પોલીસે વધુ તપાસ કરતા યુવાન પાસેથી મોબાઇલ ફોન મળી આવ્યો હતો. તેમજ યુવકનું નામ નીલમ હોવાનું પ્રાથમિક તપાસમાં બહાર આવતા પોલીસે તેના પરિવારજનોની શોધખોળ કરી તેમજ આપઘાતનું કારણ જાણવા તજવીજ હાથ ધરી છે.
