Mysamachar.in-રાજકોટ:
વધુ એક વખત ટોલનાકા પર વાહનચાલકની દાદાગીરીના દ્રશ્યો સીસીટીવીમાં કેદ થયા છે, ગોંડલ-રાજકોટ નેશનલ હાઇવે પર આવેલા ભરૂડી ટોલનાકા પરના દ્રશ્યો સામે આવ્યા છે, એક આઇસર ચાલકે ટોલ ટેક્ષ ભરવા બાબતે કઈક બોલચાલી બાદ તલવાર કાઢી સીન સપાટા કરી કર્મચારીઓને ધાક-ધમકી આપતા પોલીસ ફરિયાદ નોંધવામાં આવી છે, ભરૂડી ટોલનાકામાં સુપરવાઇઝર તરીકે ફરજ બજાવતા શ્રીરામકરણસિંઘ સેંઘલ સાથે આરોપીએ ટોલ ટેક્ષ ભરવા બાબતે બોલાચાલી કરી હતી. તેટલું જ નહીં અપશબ્દો બોલી ગાડીમાંથી તલવાર કાઢી ધાક-ધમકીઓ આપી હતી. ત્યારે આ મામલે શ્રીરામકરણસિંહે આઇસર ચાલક વિરુદ્ધ પોલીસ ફરિયાદ નોંધાવી છે.
