Mysamachar.in-રાજકોટ
રાજકોટમાં લોકોની સતર્કતાનો બિરદાવવા લાયક કિસ્સો સામે આવ્યો છે, જેનો વીડિયો પણ સોશિયલ મીડિયામાં વાયરલ થયો છે. રાજકોટની ભાગોળે વિદેશી દારૂનું કટિંગ થઇ રહ્યું હતું તે સમયે ત્યાંથી પસાર થતા લોકો આ દ્રશ્યો જોઈ ગયા હતા. લોકોને જોતા જ કટિંગ કરનારા બુટલેગરો ત્યાંથી વાહનો મૂકી નાસી ગયા હતા. કેટલાક શખ્સો કારમાંથી રીક્ષામાં વિદેશી દારૂની બોટલો ટ્રાન્સફર કરી રહ્યાં હતાં. તે દરમિયાન ત્યાંથી નીકળતા લોકો જોઈ જતાં આરોપીઓ નાશી છૂટ્યા હતા,
દારૂની હેરાફેરી કરનાર શખ્સો સ્થળ પર જ રીક્ષા અને કાર મૂકીને ફરાર થઈ ગયા હતા. ઘટનાને પગલે લોકોનું ટોળું એકઠું થઈ ગયું હતું. આરોપીઓ નાશી જતા સ્થાનિકોએ ગાડીઓમાં તપાસ કરતા તેમાંથી મોટી માત્રામાં વિદેશી દારૂની બોટલો મળી આવી હતી. જેથી લોકોએ પોલીસને જાણ કરી હતી. જાહેરમાં ધોળા દિવસે એક વાહનમાંથી બીજા વાહનમાં દારૂના જથ્થાનું ટ્રાન્સફર થઇ રહ્યું હતું હાલ સમગ્ર મામલે લોકોએ પોલીસને જાણ કરતા પોલીસે આરોપીઓને શોધવા માટેની તજવીજ હાથ ધરી છે. મોટી સંખ્યામાં દારૂનો જથ્થો પકડાયો છે
