Mysamachar.in-રાજકોટ
રાજ્યમાં રોજ સવારે અકસ્માતની એક ગંભીર ઘટનાઓ સામે આવી રહી છે, ત્યારે આજે વહેલી સવારે રાજકોટ જામનગર હાઇવે પર ત્રિપલ અકસ્માત સર્જાયો હતો. બે મોટર કાર અને ટ્રક વચ્ચે અકસ્માત થયો હતો. નવા 150 ફૂટ રિંગરોડ થી રાજકોટ હાઇવે તરફ જતા ટ્રક સાથે બે કાર અથડાઈ હતી. ઈન્ડેન ગેસના ટ્રક સાથે એકસાથે બે કાર અથડાઈ હતી. અકસ્માતમાં ઇજાગ્રસ્ત 2 લોકોને સારવાર અર્થે હોસ્પિટલ ખસેડવામાં આવ્યા છે. ટ્રકે રાજકોટ જવા તરફના માર્ગ પર વળાંક લીધો હતો. એ દરમિયાન સૌથી પહેલા સફેદ કલરની વેગનાર કાર ટ્રક સાથે અથડાઇ હતી. જોતજોતામાં તેની પાછળ આવી રહેલી ગ્રે કલરની i20 કાર અથડાઈ હતી. ઈન્ડેન ગેસ કંપનીનો નંબર GJ-10-X-9173 નંબરની ટ્રક વેગનાર કાર નંબર GJ-03-BA-7569 અને i20 કાર નંબર GJ-03-KC-7711 વચ્ચે વિચિત્ર અકસ્માત સર્જાયો હતો. અકસ્માતમાં કોઈ જાનહાનિ સર્જાઈ ન હતી.
