Mysamachar.in-વડોદરા:
વડોદરા શહેરના ગોરવા પોલીસ સ્ટેશન હદ વિસ્તારમાં આવેલા ગેંડા સર્કલ પાસે મોડીરાત્રે કુરિયર સર્વિસ માટે કામ કરતું પીકપ બોલેરો ગાડીના ડ્રાઇવરે અચાનક વાહન ચાલુ કરી બેદરકારી પૂર્વક સામે આવેલી એક રેસ્ટોરન્ટમાં કાચ તોડી ઘૂસી ગયું હતું. જો કે આ ઘટના મોડીરાત્રે થઈ હોવાથી સદનસીબે કોઈ જાનહાનિ થઈ નથી. આ સમગ્ર ઘટનાને પગલે લોકોના ટોળેટોળા ઉમટી પડ્યા હતા, અને જે રીતે પીકઅપ વાન અંદર ઘુસી ગઈ તેને જોઈ લોકો આશ્ચર્યમાં મુકાયા હતા પણ જાણવા મળે છે તે મુજબ આ ઘટનામાં કોઈ ફરિયાદ નોંધાઈ નથી.
