Mysamachar.in-સાબરકાંઠા:
આજના સમયમાં હજારો લોકો જીવન જરૂરી ચીજવસ્તુઓ ઓનલાઈન મગાવતાં થયા છે, વિવિધ સાઈટ પરથી લોકો ઓનલાઈન ચીજવસ્તુઓ મગાવતાં હોય છે, ત્યારે આવા પાર્સલમાં જો બ્લાસ્ટ થાય તો…એક ખુબ જ ચોકાવનારી કહી શકાય તેવી ઘટના આજે સાબરકાંઠાના વડાલીમાં બની છે,
પ્રાપ્ત માહિતી અનુસાર વડાલીમાં એક પરિવારે ઈલેટ્રોનિક સામાનનું પાર્સલ મંગાવ્યું હતું. જે પાર્સલ ખોલતા જ પ્રચંડ ધડાકો થયો હતો. આ બનાવમાં 11 વર્ષની કિશોરી અને 30 વર્ષના યુવકનું મોત થયું છે. બંનેના મૃતદેહ હોસ્પિટલ ખસેડવામાં આવ્યા છે. જ્યારે અન્ય એક ઈજાગ્રસ્તને સારવાર અર્થે સિવિલ હોસ્પિટલમાં ખસેડવામાં આવ્યા છે. સમગ્ર મામલે હાલ પોલીસ તપાસ હાથ ધરી છે.
વણઝારા જિતેન્દ્રભાઈના નામે આ પાર્સલ આવ્યું હતું. જે પાર્સલ ઘરે પહોંચતા પરિવારના સભ્યોએ તેને ખોલ્યું હતું. ત્યારે ઓનલાઈન મંગાવેલા ઈલેટ્રોનિક સામાનનું પાર્સલ ખોલતા વેત જ પ્રચંડ ધડાકા સાથે બ્લાસ્ટ થયું હતું. આ દુર્ઘટનામાં 2 લોકોના મોત થયા છે જ્યારે એકની હાલત ગંભીર છે. પાર્સલમાં બ્લાસ્ટ કેમ તે હવે પોલીસ માટે પણ તપાસનો વિષય બન્યા છે.
