Mysamachar.in-રાજકોટ
જેતપુરમાં આજે એક મોટી લૂંટની ઘટના સામે આવી છે, શહેરના નાના ચોક વિસ્તારમાં રમાકાન્ત રોડ સોની બજારમાં લૂંટની ઘટના બનતા વિસ્તારમાં ચકચાર મચી ગઈ છે. બાઈક પર આવેલા લૂંટારુઓએ સોની યુવકને આંતરી તેની આંખમાં મરચું નાખ્યા બાદ લૂટની ઘટનાને અંજામ આપ્યો હોવાનું જાણવા મળે છે. સોની બજારમાં અંદાજે 40 લાખની લૂંટ બે શખ્સો સોનું અને રોકડ લૂંટી ફરાર થઈ ગયા હોવાની માહિતી મળી રહી છે. પોલીસે આસપાસમાં લાગેલા CCTVના આધારે તપાસ હાથ ધરી છે.
બીજી બાજુ ધોળા દિવસે શહેર વચ્ચેવચ સોની બજારમાં 40 લાખનું સોનુ અને 2 લાખ રૂપિયા રોકડ સહિતની લૂંટથી ચકચાર મચી ગઈ છે. વેપારી ચીમન વેકરિયાને પગના ભાગે ઇજા પણ થઈ છે, જેના કારણે તેને તાત્કાલિક સરકારી હોસ્પિટલમાં સારવાર અર્થે ખસેડાયા છે. સમગ્ર ઘટનાની જાણ થતાં પોલીસ ઘટના સ્થળે પહોંચી હતી. અને લુંટારૂઓ કોણ છે, રેકી કરાઈ હતી કે કેમ.? તે તમામ દિશાઓમાં તપાસ ચાલી રહી છે.
