Mysamachar.in-રાજકોટ
હજુ તો બે દીવસ પૂર્વે જ જેલમાં કેદીઓને જલસા કરાવવાના ગુન્હામાં ગોંડલ સબ જેલના તત્કાલીન જેલરની ધરપકડ થઇ હોવાનો કિસ્સો નજર સમક્ષ છે, ત્યાં જ રાજકોટ જીલ્લા ફરી એકવાર ચર્ચામાં આવી છે, રાજકોટ જિલ્લા જેલમાંથી પ્રતિબંધિત હોવા છતાં ફરી એક વખત મોબાઈલ મળી આવ્યો છે. પોલીસને બાથરૂમની છત પરથી મોબાઈલ અને ચાર્જર મળી આવ્યું છે. આ સાથે અજાણ્યા શખ્સો વિરુદ્ધ ફરિયાદ નોંધી તપાસ હાથ ધરી છે. જેલની જડતી દરમિયાન પાર્ક નં-1ની બેરેક નં-4ના બાથરૂમની છત પરથી સીમ કાર્ડ વગરનો મોબાઈલ મળી આવ્યો હતો. આ સાથે જ એક ચાર્જર પણ મળી આવ્યું છે. સમગ્ર મામલે જેલર કે.એસ.પટ્ટણીએ પ્રદ્યુમન નગર પોલીસ મથકમાં ફરિયાદ નોંધાવી છે. જેથી પ્રદ્યુમન નગર પોલીસે અજાણ્યા શખ્સો વિરુદ્ધ ફરિયાદ નોંધી કાર્યવાહી હાથ ધરી છે.
