Mysamachar.in-ગાંધીનગર:
લોકસભા ચૂંટણી 2024ને લઈ ભારતીય જનતા પાર્ટીએ નેતાઓને મોટી જવાબદારી સોંપી છે. જેમાં પૂર્વ મંત્રીઓ, સિનિયર નેતાઓને ભાજપે જવાબદારી સોંપી છે. લોકસભા ચૂંટણી માટે ભાજપ તરફથી પોતાના ટીમ નક્કી કરી લેવાઈ છે, એક તરફે જોઈએ તો બીજેપી એ ઇતિહાસ રચવા માટે પોતાનો પ્લાન બનાવ્યો છે. લોકસભા ચૂંટણી માટે બીજેપીએ 26 બેઠકો માટે જવાબદારી નક્કી કરતા 3-3 બેઠકોનું અલગ અલગ ક્લસ્ટર બનાવ્યું છે. જેની કમાન પાર્ટીના વરિષ્ઠ નેતાઓને સોંપવામાં આવી છે.
કોને કઈ જવાબદારી સોંપાઈ..?
-પૂર્વ ગૃહ રાજ્યમંત્રી પ્રદીપસિંહ જાડેજાને વડોદરા, છોટા ઉદેપુર અને ભરૂચ બેઠકની જવાબદારી.
-પૂર્વ શિક્ષણ મંત્રી ભૂપેન્દ્રસિંહ ચુડાસમાને સૌરાષ્ટ્રની ભાવનગર, જૂનાગઢ અને અમરેલી બેઠકની જવાબદારી
-પૂર્વ મંત્રી અને પૂર્વ પ્રદેશ અધ્યક્ષ આર સી ફળદુને પણ સૌરાષ્ટ્રની રાજકોટ, જામનગર અને પોરબંદર બેઠકની જવાબદારી
-નરહરિ અમીનને ખેડા, આણંદ, પંચમહાલ અને દાહોદ બેઠકની જવાબદારી
-અમિત ઠાકરને બનાસકાંઠા, પાટણ અને કચ્છ બેઠકની જવાબદારી
-બાબુ જેબલિયાને સુરેન્દ્રનગર, મેહસાણા અને સાબરકાંઠા બેઠકની જવાબદારી
-કે સી પટેલને અમદાવાદ પૂર્વ-પશ્ચિમ અને સૌથી મહત્વપૂર્ણ બેઠક દેશના ગૃહમંત્રી અમિત શાહની ગાંધીનગર બેઠકની જવાબદારી સોંપવામાં આવી છે.
-જ્યોતિ પંડ્યાને સુરત, નવસારી, વલસાડ અને બારડોલી બેઠકની જવાબદારી સોંપવામાં આવી છે.
