Mysamachar.in-રાજકોટ
રાજ્યમાં હનીટ્રેપની વધી રહેલી વારદાત વચ્ચે થોડા દિવસો પૂર્વે રાજકોટ પોલીસે શહેરના નાણાવટી ચોકમાં રામેશ્વર-3માં રહેતી અલ્પા આશીષ મારડીયા નામની પરિણીતા તેનો પતિ આશીષ અને 2 GRD જવાન અને સાગરીતને સાથે રાખીને હનીટ્રેપમાં ફસાવીને નાણા ખંખેરતા હોવાના કારસ્તાનના થયેલા પર્દાફાશમાં પાંચેય આરોપીઓને યુનિવર્સિટી પોલીસે ધરપકડ કરી હતી. ઝડપાયેલા આરોપીઓના રિમાન્ડ નામંજુર થતા તેઓને જેલ હવાલે કરાયા હતા. ત્યારે આ મામલે વધુ એક આરોપીની ધરપકડ કરવામાં આવી છે. રાજકોટમાં હનીટ્રેપમાં મહિલા ASIની સંડોવણી બહાર આવતા તેની ધરપકડ કરવામાં આવી છે,
મોરબીના આધેડ સાથે મહિલાએ પરિચય કેળવી પતિ ઘરે નથી કહીં ઘરે બોલાવ્યો હતો. આધેડ ઘરે આવતા આશીષ અને સાગરીત જય સુરેશભાઈ પરમાર ધસી આવ્યા હતા અને તું છેડતી કરે છે સહિતના શબ્દો સાથે આધેડને મારમાર્યો હતો અને થોડી જ વારમાં ગ્રામ્ય રક્ષક દળનો સભ્ય રીતેષ પી.એસ.આઈ.નો સ્વાંગ અને શુભમ તેનો રાઈટર બનીને ધસી આવ્યા હતા ફીટ કરી દેવો પડશે આમ થશે તેમ થશેની પોલીસની ભાષામાં દમદાટી મારી પતાવટ માટે પાંચ લાખની માગણી કરી બે લાખ આપવા પડશે કહીં આધેડના ખિસ્સામાંથી 22500ની રોકડ કાઢી લઈ બીજા બે લાખ તા.10 સુધીમાં નહીં આપે તો કેસમાં ફીટ કરી દેશું કહીં ધમકાવીને મુક્ત કર્યો હતો.
હવે આ મામલામાં તૃષા પટેલ નામની ASI મહિલાની ધરપકડ કરાઈ છે. મહિલા ASI તૃષા પટેલ તાલુકા પોલીસ સ્ટેશનમાં ફરજ બજાવે છે.જો કે આ કેસમાં તેની સંડોવણી સામે આવતા તેની ધરપકડ કરાઈ હોવાનું જાણવા મળે છે.
