Mysamachar.in-રાજકોટ
હાઈફાઈ ટુ વ્હીલર અને ફોરવ્હીલર ફેરવવાને શોખને કારણે કેટલાય ચોરીને રવાડે ચઢતા હોવાના કિસ્સાઓ આપણે સાંભળતા આવ્યા છીએ પરંતુ પરંતુ રાજકોટમાં એક અનોખા પ્રકારની ચોરી કરતી ચોર ટોળકી ઝડપાઇ છે. આ ચોર ટોળકીની મોડેસ ઓપરેન્ડી અને ચોરીની કઈક અનોખી હતી, પોતાના સાઇકલ ચલાવવાના મોજશોખ માટે બ્રાન્ડેડ સાઈકલની ચોરી કરતા ત્રણ સગીરોને પોલીસે સીસીટીવીના આધારે ઝડપી પાડયા છેપોલીસે આ ત્રણેય સગીર ચોરો પાસેથી અલગ-અલગ બ્રાન્ડેડ કંપની 14 જેટલી સાઇકલો પણ કબજે કરી છે.
પોલીસે કબ્જે કરેલી 14 જેટલી સાઈકલો 8000 થી 15000 સુધીની કિંમતની છે એટલે કે પોલીસે 1,47,500ની કિંમતની 14 સાઇકલ કબ્જે કરી છે. સાયકલ ચોરી થવાની અલગ-અલગ ફરિયાદોને આધારે પોલીસે ખાસ વોચ ગોઠવી હતી અને આખરે સીસીટીવીના આધારે ચોરી કરતા ત્રણ ટાબરિયાઓ ને ઝડપી પાડયા છે.આ ત્રણેય ટાબરિયાઓને બ્રાન્ડેડ સાઈકલ ફેરવવાનો શોખ હોવાથી સાયકલ ચોરી કરતા હતા. જે પણ ઘરના ફળિયામાં લોક વગરની સાયકલ જોવા મળે તેની ઉઠાંતરી કરતા હતા. આ ટાબરિયાઓ મોટાભાગે મેગવીલ વાળી કે ગિયરવાળી બ્રાન્ડેડ સાયકલ ચોરી કરતા હતા. હાલ તો પોલીસે સીસીટીવીના આધારે ત્રણેય મિત્રોની ધરપકડ કરી છે
