Mysamachar.in-રાજકોટ
ગોંડલ નજીક અકસ્માતની એક ઘટના સામે આવી જેમાં કારે બાઇકને ધડાકાભેર ઉલાળતા બાઇકનો ડુચ્ચો વળી ગયો આ ઘટનામાં બે વ્યક્તિના ઘટનાસ્થળે જ મોત નીપજ્યા હતા. જ્યારે એક વ્યક્તિને ગંભીર ઇજા સાથે ગોંડલ ખસેડાયો હતો. ઘટનાને પગલે ગોંડલ તાલુકા પોલીસ દોડી ગઇ હતી અને ગોંડલ નગરપાલિકાની એમ્બ્યુલન્સને જાણ કરાતા દોડી આવી હતી. પોલીસે બંનેના મૃતદેહને પીએમ માટે ગોંડલ હોસ્પિટલ ખસેડી વધુ તપાસ હાથ ધરી છે. ગોંડલ લુણીવાવ વચ્ચે અનલગઢની ગોળાઇમાં લુણીવાવથી આવી રહેલી સ્કોર્પિયો તથા ગોંડલ તરફથી ત્રિપલ સવારીમાં આવી રહેલી બાઇક સામ સામે અથડાતાં બાઇકમાં સવાર બે યુવકોના ગંભીર ઇજાને કારણે ઘટનાં સ્થળે મોત નિપજ્યું હતું. જ્યારે બાઇક પર ત્રિપલ સવારીમાં બેઠેલાં અન્ય વ્યક્તિને ગંભીર ઇજા પહોચતા ગોંડલ સિવિલ હોસ્પિટલમાં પ્રાથમિક સારવાર આપી રાજકોટ ખસેડાયા હતાં.
