ટ્રક પાછળ કાર ઘુસી ગઈ, મૃતદેહોને કારના પતરા ચીરીને બહાર કાઢવા પડ્યા

Mysamachar.in-સુરેન્દ્રનગર:

ગુજરાતમાં આજે વધુ એક વખત સવાર સવારમાં ગમખ્વાર અકસ્માતની ઘટના સામે આવી છે, આજે સુરેન્દ્રનગર જિલ્લામાં માલવણ અમદાવાદ હાઇવે પર ટ્રેલર અને કાર વચ્ચે અકસ્માતમાં 3 યુવકોના કમકમાટીભર્યા મોત નિપજ્યા છે. ટ્રક પાછળ કાર ઘુસી જતા ઘટનાસ્થળે જ કારમાં સવાર 3 યુવકોના મોત નિપજતા પરિવાર પર આભ તૂટી પડ્યાની સ્થિતિ છે, અકસ્માત એટલો ગંભીર હતો કે, કારની બોડી ચીરી અને 3 યુવકોના મૃતદેહો બહાર કાઢવામાં આવતા અરેરાટી વ્યાપી ગઈ હતી,

ધ્રાંગધ્રા માલવણ હાઇવે પર ગમખ્વાર અકસ્માતની વિગત જોઇએ તો માલવણ સીએનજી પંપ નજીક કાર લઇને પસાર થઇ રહેલા ચાલકે અચાનક કાબુ ગુમાવ્યો હતો અને કાર આગળ જઇ રહેલી ટ્રક પાછળ ઘુસી ગઇ હતી.અકસ્માતમાં કારનો બુકડો બોલાઈ ગયો હતો., તો ત્રણેય યુવકો કારમાં ફસાયા હતા. કારની બોડી ચીરીને યુવકોના મૃતદેહો બહાર કાઢવામાં આવ્યા હતા. નજરે જોનારા માટે આ દ્રશ્યો બહુ જ ભયાનક હતા. અકસ્માતની ઘટનાની જાણ થતા આસપાસના લોકો પણ દોડી આવ્યા હતા અને બચાવ કામગીરી હાથ ધરવામાં આવી હતી.