Mysamachar.in-રાજકોટ
થોડા સમય પૂર્વે ગોધરા રેલ્વે સ્ટેશન પર પોલીસને ચેકિંગ દરમિયાન લાખોની રોકડ મળી આવી હતી ત્યાં જ વધુ એક વખત સૌરાષ્ટ્રના ગોંડલમાં એસટી બસમાં બિનવારસી બેગ ખોલવામાં આવતા અંદરથી દારૂનો મોટો જથ્થો નીકળ્યો છે, ગોંડલમાં આજે બગસરા-રાજકોટ રૂટની બસમાંથી વિદેશી દારૂ મળી આવ્યો હતો. ગોંડલથી બસ રાજકોટ જવા નીકળી હતી ત્યારે કોલેજ ચોકના બસસ્ટોપ પાસે પેસેન્જરના ધ્યાને બિનવારસી બેગ આવતા તેણે કંડકટરને જાણ કરી હતી. કંડકટરે બેગ ખોલતા તેમાંથી વિદેશી દારૂ ભરેલી બોટલો મળી હતી. તેથી કંડકટર અને ડ્રાઈવર દ્વારા ગોંડલ સીટી પોલીસને જાણ કરી હતી. આ સમગ્ર બનાવ અંગે ગોંડલ પોલીસ દ્વારા તપાસ હાથ ધરાઈ છે.
