mysamachar.in-દેવભૂમિ દ્વારકા:
દેવભૂમિ દ્વારકા જીલ્લાના ખંભાળીયા-જામનગર રોડ પાસે આવેલા ભરાણા ગામ નજીક ગઇકાલે બાવાજી યુવકની લાશ મળી આવી હતી જેમાં આ બાવાજી યુવકની હત્યા થઈ હોવાનું ખૂલતાં ગામના જ એક ગરાસીયા શખ્સ સામે પોલીસે ગુન્હો નોંધીને વધુ તપાસ હાથ ધરી છે,
વાડીનાર નજીક ખંભાળીયા-જામનગર રોડ પાસે આવેલા ગામના જયેશગર મેઘનાથી નામના બાવાજી ગઇકાલે ભરાણા ગામ નજીક આવેલ એસ્સાર બાઉન્ડ્રી પાસે જયેશગર નામના બાવાજી યુવકની લાશ મળી આવી હતી, પોલીસ ઘટના સ્થળે પહોચીને લાશનો કબ્જો સંભાળીને પી.એમ. માટે મોકલી આપી હતી અને પી.એમ.માં હત્યા કરવામાં આવી હોવાનો રીપોર્ટ આવ્યો હતો પોલીસ દ્વારા સઘન તપાસ હાથ ધરી મૃતક બાવાજી યુવકના પરિવારને જાણ કરીને હત્યા પાછળનું કારણ જાણવા માટે કાર્યવાહી હાથ ધરી હતી જેમાં પોલીસ સામે ચોકાવનારી હકીકતો બહાર આવી હતી,
આથી વાડીનાર પોલીસે મરણજનાર જયેશગરના ભાઈ હસમુખગર મેઘનાથીની ફરિયાદના આધારે આરોપી તરીકે ભરાણા ગામના બ્રિજરાજસિંહ જાડેજાનું નામ ખોલીને હત્યા નિપજાવીને નાશી છૂટેલ બ્રિજરાજસિંહને ઝડપી લેવા માટે પોલીસે વધુ તપાસ હાથ ધરી છે,
આ બનાવમાં ભરાણા ગામના બાવાજી યુવક ગામના જ બ્રિજરાજસિંહની માતાની એક થી બે વાર છેડતી કરેલી હતી,આ વાતની જાણ માતાએ તેના પુત્ર બ્રિજરાજસિંહને કરી હતી જેથી ક્રોધે ભરાઈને બાવાજી યુવકની હત્યા કરવામાં આવી હોવાનું પોલીસની પ્રાથમિક તપાસમાં બહાર આવ્યું હોવાનું વાડીનાર પીએસઆઇ હિંગરોજાએ જણાવ્યુ હતું આ મામલામાં આ જ કારણ છે કે અન્ય કોઈ કારણ તે અંગે પોલીસ દ્વારા વધુ તપાસ હાથ ધરવામાં આવી રહી છે.
જો તમને અમારી આ પોસ્ટ વાંચવી ગમી હોય તો તેને લાઇક અને શેર કરો.
