Mysamachar.in-રાજકોટ:
રાજકોટના ઉપલેટા નજીક વધુ એક અકસ્માત સર્જાયો હતો. ઉપલેટા તાલુકાના મોટી પાનેલી અને જામજોધપુરના સિદસર ગામની વચ્ચે બે કાર એકબીજા સાથે ધડાકાભેર અથડાઈ હતી. જેમાં 8 લોકો ઘાયલ થયા હતા. જેમાંથી ચારેય વ્યક્તિઓને ઉપલેટા સરકારી હોસ્પિટલમાં સારવાર અર્થે લઈ જવાયા હતા. જ્યારે અન્ય 4 વ્યક્તિઓને શહેરની ખાનગી હોસ્પિટલ ખાતે સારવાર માટે લઈ જવાયા હતા. અલ્ટો કાર અને મારુતિ વાન વચ્ચે આ અકસ્માત સર્જાયો હતો. આ અકસ્માત એટલો ગંભીર હતો કે, તેમાં આઠ વ્યક્તિઓને ગંભીર ઈજાઓ પહોંચી હતી. દ્વારકા જિલ્લાના જામ ખંભાળિયા તાલુકાના ભાડથર ગામનો પરિવાર ધોરાજી તાલુકાના પાટણવાવ ઓસમ ડુંગર પર આવેલ માત્રી માતાના દર્શને જતો હતો, તે દરમ્યાન અકસ્માતનો બનાવ બન્યો હોવાની પ્રાથમિક વિગતો સામે આવી રહી છે.
