Mysamachar.in-
ડ્રાયફ્રૂટમાં કાજુ મોટાભાગના લોકોની પહેલી પસંદ છે, તેમાં કેટલાય લોકો તો કાયમી પણ કાજુ ખાવાની ટેવ પણ ધરાવે છે, ત્યારે કાજુ ઘણા લોકોના ઘરમાં હોય છે. સૂકા મેવાનો રાજા કહેવાતા કાજુ તમારા સ્વાસ્થ્ય માટે અનેક રીતે ફાયદાકારક છે. કાજુમાં અનેક વિટામિન્સ અને મિનરલ્સ મળે છે. કાજુને ઉર્જાનો સારો સ્ત્રોત માનવામાં આવે છે. તે ખાવાથી સ્વાસ્થ્યને નુકસાન થતું નથી, કાજુમાં રહેલા એન્ટીઓક્સીડેન્ટ પાચનને મજબૂત બનાવે છે તેમજ વજનને સંતુલિત કરે છે. કાજુ ખાવાથી ગેસ અને કબજિયાતની સમસ્યાથી રાહત થઈ શકે છે. કાજુને પાચન માટે એકદમ ફાયદાકારક માનવામાં આવે છે. હાલ અનિયમિત આહાર અને બિનઆરોગ્યપ્રદ જીવનશૈલીને કારણે લોકો ડાયાબિટીસથી પીડાઈ રહ્યા છે. ડાયાબિટીસના દર્દીઓને હાર્ટ એટેક, કિડની ફેલ થવા, મલ્ટિપલ ઓર્ગન ફેલિંગ અને બ્રેઇન સ્ટ્રોક જેવી અન્ય ગંભીર અને જીવલેણ સ્વાસ્થ્ય સમસ્યાઓની દહેશત હોય છે. નિષ્ણાતોના માટે ડાયાબિટીસના દર્દીઓ માટે કાજુનું સેવન કરવું ખૂબ ફાયદાકારક છે. કાજુમાં રહેલા પોષક તત્વો લોહીમાં ગ્લુકોઝને ઓછું કરવામાં મદદ કરે છે. ડાયાબિટીસના દર્દીઓ તેમના ડાયટમાં કાજુનો સમાવેશ કરી શકે છે.
તો દરરોજ ત્રણથી ચાર કાજુ ખાવાથી કોલેસ્ટ્રોલના સ્તરને નિયંત્રિત કરી શકાય છે. મર્યાદિત પ્રમાણમાં કાજુ ખાવું વધુ સારું છે, કાજુમાં રહેલા મેગ્નેશિયમ અને ફાઇબર શરીરમાં ચરબી અને કાર્બોહાઇડ્રેટનું મેટાબોલિઝમ વધારે છે. જે વજન ઘટાડવામાં મદદ કરે છે,તો કાજુથી ત્વચના ફાયદો થઈ શકે છે. કાજુમાંથી કાઢવામાં આવેલો તેલ ત્વચા માટે ફાયદાકારક સાબિત થઈ શકે છે. કાજુના તેલમાં ઝિંક, મેગ્નેશિયમ, આયર્ન, સેલેનિયમ અને ફોસ્ફરસ ભરપૂર હોય છે. તે ત્વચાની કરચલીઓને દૂર કરવામાં પણ મદદ કરી શકે છે.કાજુમાં ભરપૂર કેલ્શિયમ હોય છે. તે હાડકાંને મજબૂત બનાવવામાં મદદ કરે છે. કાજુનું સેવન કરીને આંખની દૃષ્ટિ વધારી શકાય છે.કાજુમાં લ્યુટિન અને અન્ય મહત્વપૂર્ણ એન્ટિઓક્સિડન્ટ્સ ઉચ્ચ પ્રમાણમાં હોય છે. જે આંખો માટે ખૂબ ફાયદાકારક છે.
