Mysamachar.in-ગાંધીનગર:
ગુજરાત દેશ વિદેશના પ્રવાસીઓ માટે આકર્ષણનું કેન્દ્ર બન્યું છે.. ઉનાળા વેકેશનના સમયગાળા છેલ્લા ત્રણ મહિનામાં રાજ્યના 12 પ્રવાસન આકર્ષણો અને યાત્રાધામની 1.35 કરોડથી વધુ પ્રવાસીઓએ મુલાકાત લીધી હતી. ગત વર્ષની સરખામણીએ આ વર્ષે પ્રવાસીઓની સંખ્યામાં 17 ટકાનો વધારો નોંધાયો છે.
1 એપ્રિલથી 10 જૂન 2024 સુધીના સમયગાળામાં ગુજરાતના પ્રસિદ્ધ આકર્ષણો જેમ કે, સ્ટેચ્યુ ઑફ યુનિટી (SoU), અટલ બ્રિજ, રિવરફ્રન્ટ-ફ્લાવર પાર્ક, કાંકરિયા તળાવ, સોમનાથ મંદિર, અંબાજી મંદિર, પાવાગઢ મંદિર, દ્વારકા મંદિર, સાયન્સ સિટી-અમદાવાદ, વડનગર, ગીર અને દેવળીયા સફારી તેમજ અમદાવાદ મેટ્રો રેલવેનો આનંદ લેવા માટે બહોળી સંખ્યામાં લોકો પહોંચ્યા હતાં.
![](https://mysamachar.in/wp-content/uploads/2023/12/My-Samachar-Social-Media-2024.jpg)
ગુજરાતમાં વર્ષ 2023-24ના ટોપ 10 પ્રવાસન સ્થળોની વિગતાવર વાત કરીએ તો… અમદાવાદ શહેરમાં 225.8 લાખ પર્યટકોએ, અંબાજી મંદિરની 164.6 લાખ પર્યટકોએ, સોમનાથ મંદિરની 97.93 લાખ પર્યટકોએ, દ્વારકા મંદિરની 83.54 લાખ પર્યટકોએ, પાવાગઢ મંદિરની 76.66 લાખ પર્યટકોએ, SoU એકતાનગરની 43.53 લાખ પર્યટકોએ મુલાકાત લીધી છે.
ગુજરાત આવતા પ્રવાસીઓના અનુભવને બહેતર બનાવવા માટે પ્રવાસન પ્રભાગ માટે વર્ષ 2024-25ના બજેટમાં ₹ 2077 કરોડની ફાળવણી કરવામાં આવી છે, જેમાં આકર્ષક પ્રવાસન સ્થળો, ધાર્મિક, સાંસ્કૃતિક અને એડવેન્ચર આકર્ષણો તેમજ ઇકો ટુરિઝમનો વિકાસ કરવામાં આવશે.(file image)