Mysamachar.in:રાજકોટ
ગુજરાતના અમદાવાદના તથ્ય પટેલનો એ કિસ્સો યાદ છે ને જેને 10 જિંદગીઓ હણી નાખી ત્યાં જ આજે વધુ એક 18 વર્ષીય યુવકે કાર અકસ્માત સર્જ્યો હોવાની ઘટના સૌરાષ્ટ્રના રાજકોટમાં સામે આવી છે. પ્રાપ્ત વિગત મુજબ 18 વર્ષીય કેવલ નામનો યુવક તેના જાણીતાની સ્કોર્પિયો કાર લઈને નીકળ્યો હતો. ત્યારે કેવલ નામના શખસે પૂરપાટ ઝડપે સ્કોર્પિયો કાર દોડાવતા સોમનાથ સોસાયટીમાં અકસ્માત સર્જ્યો હતો. જેમાં ત્રણ બાઈક, એક સાયકલ અને એક રેંકડી સહિત પાંચ વાહનને અડફેટે લીધા હતા. બાદમાં સ્કોર્પિયો કાર મકાન સાથે અથડાયા બાદ દિવાલમાં ઘૂસી ગઈ હતી.
અકસ્માતની ઘટનામાં શાકભાજીના ફેરિયાને ગંભીર ઈજાઓ થતાં તેને સારવાર અર્થે હોસ્પિટલમાં ખસેડાયો છે. અન્ય એક મહિલાનો આબાદ બચાવ થયો હતો. અકસ્માતના બનાવને પગલે સ્થાનિકોના ટોળા ઘટનાસ્થળે એકઠા થઈ ગયા હતા. જો બાદ મામલાની ગંભીરતાને જોતા પોલીસ પણ ઘટનાસ્થળે દોડી આવી હતી. સમગ્ર ઘટના સીસીટીવીમાં કેદ પણ થઇ છે. જેમાં સ્પષ્ટ જોવા મળે છે કે કઈ રીતે પૂરપાટ ઝડપે આવતી સ્કોર્પિયો કાર નીચે સાયકલ સહિતના વાહનો અને શાકભાજીની રેંકડી ફંગોળાયા હતા. હાલ તો રાહત એ વાતની છે કે અમદાવાદ જેવી ઘટના રાજકોટમાં બનતા સહેજમાં અટકી છે.
