Mysamachar.in-જામનગર:
તાજેતરમાં જ જામનગરની એક ધાર્મિક સંસ્થામાં થી ત્રણ બાળકો ગુમ થઇ જવાના મામલે અપહરણની ફરિયાદ બાદ પોલીસે તેને શોધી કાઢ્યા હતા, ત્યાં જ જામનગર જીલ્લાના જામજોધપુરમાં પણ બે સગાભાઈઓના કોઈ અપહરણ કરી ગયાની ફરિયાદ જામજોધપુર પોલીસ મથકે જાહેર થતા ચકચાર મચી જવા પામી છે જેની વિગતો એવી છે કે…
મેથ્યા ઉર્ફે મોતીરામ શિલ્દાર પાવરા ધંધો-મજુરી રહે હાલ વાંસજાળીયા ઇશ્વરભાઇ ભાણજીભાઇની વાડીમા મુળ રહે- ભોયટી રોહીણી તા.શીરપુર જી.ધુળે મહારાષ્ટ્ર વાળાએ અપહરણની ફરિયાદ આપી છે તેમાં જણાવ્યું છે કે તેમના સગીરવયના બે દીકરા જેમા મનોજ ઉ.વ.13 તથા ગણેશ ઉ.વ.15 વાળાનુ કોઇ અજાણ્યા આરોપીએ ફરીયાદીના કાયદેસરના વાલીપણામાથી અપહરણ કરી ગત તારીખ 12/09/2023 ના લઇ ગયાની ફરિયાદ ગતરોજ જાહેર થઇ છે.બે સગા ભાઈઓના અપહરણની આ ઘટનાથી ચકચાર મચી જવા પામી છે અને પોલીસે આ મામલે વધુ તપાસ હાથ ધરી છે.
