Mysamachar.in-અમદાવાદ:
લોકડાઉનના પગલે સમગ્ર રાજ્યમાં પોલીસ ખડે પગે છે. અને કેટલાય નાના ગામોથી માંડીને મોટા શહેરોમાં પોલીસની કામગીરીની બિરદાવવામાં આવી રહી છે, જો કે કેટલાક પોલીસ કર્મચારીઓ એવા છે કે જેને કારણે પોલીસને બદનામી ભોગવવાનો વારો આવે છે, વાત મેટ્રોસીટી અમદાવાદની છે, અમદાવાદ શહેરમાં બીયરના કેરેટ લઈને ખાનગી ગાડીમાં નીકળેલા કોન્સ્ટેબલને પોલીસે ફિલ્મી ઢબે પીછો કરી પોલીસે જ ઝડપી પાડ્યો છે. પોલીસ હેડકવાર્ટરમાં કે કંપનીમાં ફરજ બજાવતા હિતેશ પટેલ નામના પોલીસ કોન્સ્ટેબલ ઓઢવમાં થી બીયર સાથે પસાર થઈ રહ્યો હોવાની બાતમીના આધારે ડીસીપી ઝોન 5 સ્કોડ અને ઓઢવ પોલીસ દ્વારા વોચ ગોઠવવામાં આવી હતી. અને ફિલ્મી ઢબે પીછો કરીને પોલીસે આરોપીને ઝડપી લીધો છે. પોલીસે ક્રેટા કાર સાથે આરોપીને પકડી તેમાંથી આઠ પેટી બિયર જપ્ત કર્યું છે.
