Mysamachar.in-અમદાવાદ
કોરોના વાયરસને લઈ દેશભરમાં લૉકડાઉન છે અને જીવન જરૂરિયાતની કેટલીક વસ્તુઓ અને તે માટે કેટલાક લોકોને આ લૉકડાઉનમાં રોડ પર બહાર આવવા પરવાનગી મળી છે. ત્યારે થોડાદિવસ પૂર્વે જ અમદાવાદ પોલીસે ચેકિંગ દરમિયાન એકટીવામાંથી દેશી દારૂનો જથ્થો ઝડપી પાડ્યા બાદ વધુ એક વખત 2 શખ્સોને એમ્બ્યુલન્સમાં દેશી દારૂની હેરાફેરી કરતા પોલીસે ઝડપ્યા છે,
કોરોનાને લઈ શહેર પોલીસ તમામ જગ્યા બંદોબસ્તમાં છે અને નાના ચિલોડા પાસે નરોડા પોલીસ વાહન ચેકીંગમાં હતી ત્યારે એક ઇકકો ગાડી ત્યાંથી પસાર થઈ રહી હતી. નોંધનીય છે કે, ગાડી એમ્બ્યુલન્સ હતી પરંતુ પોલીસને શંકા જતા પોલીસે તપાસ કરી તો ગાડીમાંથી દેશી દારૂનો જથ્થો મળી આવ્યો હતો. પોલીસે મનીષ ઠાકોર અને લલિત રાજપૂત નામના બે શખ્સોની અટકાયત કરી તેમની પાસેથી 22 લીટર દેશી દારૂનો જથ્થો કબ્જે કર્યો છે.આમ લોકડાઉનમાં એમ્બ્યુલન્સમાં દારૂની હેરફેર પોલીસે ઝડપી પાડી છે
