Mysamachar.in-જામનગર:
આગામી લોકસભાની ચૂંટણીને લઈને જામનગર જિલ્લા વહીવટી તંત્ર દ્વારા તૈયારીઓ આરંભી દેવામાં આવી છે. આજે જિલ્લા કલેકટર આગામી લોકસભાની ચૂંટણી અંગેની માહિતી આપવા માટે પત્રકાર પરિષદનું આયોજન કર્યું હતું,આ વર્ષે યોજાનાર આગામી લોકસભાની ચૂંટણીમાં ચૂંટણીપંચ પણ વધુ સતર્ક બન્યું છે અને વિવિધ માધ્યમો થકી ચૂંટણી ન્યાયીક અને મુક્ત વાતાવરણમાં થાય તેવા પ્રયાસો હાથ ધરવામાં આવશે, આગામી લોકસભાની ચૂંટણીને લઈને DCC એટલે કે ડિસ્ટ્રીક્ટ કોન્ટેક્ટ સેન્ટર પણ જામનગર કલેકટર ઓફિસ ખાતે ઉભુ કરવામાં આવશે. જેમાં 1950 નંબર ડાયલ કરવાથી કોઈપણ નાગરિક વિવિધ પ્રકારની માહિતી મેળવી શકશે,
આ ઉપરાંત ચૂંટણી સમયે થતી પૈસાની હેરફેર મતદારોને લાલચ આપવા માટે દારૂ સહિતના માદક પદાર્થો વગેરે જેવી તમામ ગેરકાયદે પ્રવૃત્તિઓ CVIGIL નામની એન્ડ્રોઇડ એપ્લીકેશન છે. તે પણ ચૂંટણીનું જાહેરનામું શરૂ થતા શરૂ થશે અને આ આચારસંહિતા ભંગની ફરિયાદ એપ્લિકેશનના મારફત કોઈપણ વ્યક્તિ તેની નજર સામે થતી ગેરકાયદેસર પ્રવૃત્તિઓ અંગે ફોટો પાડીને આ એપ્લિકેશનમાં અપલોડ કરી શકશે અને ફરિયાદ કરનાર નાગરીકનું નામ ગુપ્ત રાખવામા આવશે, જેના પર નિયત કરાયેલ ટીમો પગલા ભરશે,
જામનગર લોકસભા હેઠળ આવતી દરેક વિધાનસભા દીઠ પાંચ મતદાન મથકો એવા હશે જે સંપૂર્ણ મહિલાઓ સંચાલિત હશે, તો દિવ્યાંગો પણ પોતાના મતાધિકારનો સુવ્યવસ્થિત ઉપયોગ કરી શકે તે માટે સાત મતદાન મથકો એક વિધાનસભાદીઠ એક મતદાન મથક તે મતદાન મથકો દિવ્યાંગ લોકો દ્વારા જ સંચાલિત હશે, યોજાનાર લોકસભાની ચૂંટણી કોઈ જૂના ઇવીએમ કે વીવિપેટ મશીન નહીં, પરંતુ તમામ નવા ઇવીએમ અને વીવિપેટ મશીનોનો જ ઉપયોગ કરવામાં આવશે તેવું આજની પત્રકાર પરિષદમાં કલેક્ટર રવિશંકર જણાવ્યું હતું,
અત્રે ઉલ્લેખનીય છે કે જામનગર લોકસભા મતવિસ્તારમાં તા. ૩૧-૦૧-૨૦૧૯ ની સ્થિતિ મતદારોની સંખ્યા ૧૬,૩૬,૧૧૬ નોંધાયેલ છે અને અંદાજે ૨૦,૪૨૩ નવા મતદારોનો વધારો થવા પામ્યો છે.
જો તમને અમારી આ પોસ્ટ વાંચવી ગમી હોય તો તેને લાઇક અને શેર કરો
આપના મોબાઈલના પ્લેસ્ટોરમાંથી Mysamachar.in ની એપ ડાઉનલોડ કરો અને ઝડપી સમાચાર મેળવો.
