Mysamachar.in-જામનગર:
જામનગર સહિત સમગ્ર હાલારમાં લોકસભા ચૂંટણીનો માહોલ છવાયો છે. સંગઠન અને પ્રચારમાં સતત આગળ રહેતી ભારતીય જનતા પાર્ટીએ પોતાનું પ્રચાર અભિયાન તેજ બનાવી દીધું છે. ગત્ રવિવારે જામનગરમાં એસટી ડેપો નજીક ધમધમતા વિસ્તારમાં બીજેપીના લોકસભા ચુંટણી-2024 અંતર્ગત દક્ષિણ વિધાનસભા મતવિસ્તાર માટેના મધ્યસ્થ ચૂંટણી કાર્યાલયનો દબદબાભેર પ્રારંભ કરવામાં આવ્યો. આ તકે વિશાળ જનમેદની એકત્ર થઇ હોવાના અહેવાલો મળી રહ્યા છે, આ કાર્યાલય પર ધારાસભ્ય દંપતિ દ્વારા શાસ્ત્રોક્ત પૂજા અર્ચના કરવામાં આવી હતી અને જામનગરમાં છેલ્લા એક દાયકાથી સાંસદ તથા લોકસભા ઉમેદવાર પૂનમબેન માડમના હસ્તે આ મધ્યસ્થ ચૂંટણી કાર્યાલયનું ઉદઘાટન કરવામાં આવ્યું હતું. આ તકે બીજેપી તરફી વ્યાપક જુવાળ જોવા મળ્યો હતો.
આગામી લોકસભા ચૂંટણી અન્વયે જામનગર ભાજપે કમર કસી છે, અને એક બાદ એક કાર્યક્રમોનું આયોજન કરવામાં આવી રહ્યું છે, જામનગર-દેવભૂમિ દ્વારકા સંસદીય વિસ્તાર અંતર્ગત 79 દક્ષિણ જામનગર વિધાનસભા મધ્યસ્થ કાર્યાલયનો ઉદઘાટન કાર્યક્રમ યોજાયો. વૈદિક, મંત્રોચ્ચાર સાથે જામનગર દક્ષિણ વિધાનસભા મધ્યસ્થ કાર્યાલયનો ઉદઘાટન કાર્યક્રમ યોજાયો. જંગી મેદની સાથે આ કાર્યક્રમ સંપન્ન થયો. કાર્યક્રમમાં જામનગર દક્ષિણ વિધાનસભાના ધારાસભ્ય દિવ્યેશભાઈ અકબરી, જામનગર ઉતર વિધાનસભાના ધારાસભ્ય રીવાબા જાડેજાએ ઉમેદવાર પૂનમબેન માડમને જંગી બહુમતીથી જીતાડવા માટે હાજર સૌને અપીલ કરી તો આ તબક્કે પૂનમબેન માડમે જણાવેલ કે, આ ચૂંટણી ભારત દેશને 2047 માં વિશ્વગુરુ બનાવવાની ચૂંટણી છે, આપણી ભાવિ પેઢીના ભવિષ્યને ઉજજ્વળ બનાવવાની ચૂંટણી છે.
વડાપ્રધાન નરેન્દ્રભાઇ મોદીના નેતૃત્વમાં ભારત દેશ વિશ્વગુરુ બનવાની દિશામાં આગળ વધી રહ્યો છે, જામનગરની જનતાએ જામનગર થી જંગી બહુમતીથી એક કમળને દિલ્લી પહોંચાડવું તેવી અપીલ કરવામાં આવી હતી . શહેર અધ્યક્ષ વિમલભાઈ કગથરા એ જણાવેલ કે ચૂંટણી એટલે લોકશાહીનું પર્વ, સૌ કોઈ એ આ લોકશાહી ના પર્વ માં મતદાન અવશ્ય કરવું જોઈએ, અને આ ચૂંટણી માં ભારતીય જનતા પાર્ટીને, પૂનમબેન માડમને જંગી બહુમતીથી જીતાડી દિલ્લી મોકલવા જોઈએ. ઉદઘાટન સમારોહ દરમિયાન એકઠી થયેલ જનમેદની જોતા, સાંસદ પૂનમબેન માડમની જંગી બહુમતી થી જીત નિશ્ચિત જણાય આવે તેવો ઉત્સાહજનક માહોલ જોવા મળ્યો હતો.
આ કાર્યક્રમમાં શહેર ભાજપ પ્રમુખ ડો વિમલભાઈ કગથરા, છેલ્લા બે દાયકાથી સાંસદ તથા વર્ષ હાલની લોકસભા ચુંટણીના ઉમેદવાર પૂનમબેન માડમ, મહામંત્રી પ્રકાશભાઈ બામણીયા, વિજયસિંહ જેઠવા, મેરામણભાઇ ભાટુ, જિલ્લા અધ્યક્ષ રમેશભાઇ મુંગરા, ધારાસભ્યો દિવ્યેશભાઈ અકબરી, રીવાબા જાડેજા, લોકસભા સંયોજક ડો વિનોદભાઈ ભડેરી, 79 વિધાનસભા પ્રભારી હિરેન પારેખ, 78 વિધાનસભા સંયોજક ધર્મરાજસિંહ જાડેજા, 78 વિધાનસભા પ્રભારી સુરેશ વશરા, મેયર વિનોદ ખીમસુરીયા, ડે મેયર ક્રિષ્નાબેન સોઢા, શાસકપક્ષ નેતા આશિષ જોશી, સ્ટે. કમિટી ચેરમેન નિલેશ કગથરા, શિક્ષણ સમિતિ ચેરમેન મનીષ કનખરા ઉપરાંત
પૂર્વ ધારાસભ્ય લાલજીભાઈ સોલંકી, પૂર્વ મંત્રી પરમાનંદભાઈ ખટ્ટર, પૂર્વ શહેર પ્રમુખ હસમુખભાઇ હિંડોચા, મુકેશ દાશાણી, નિલેશ ઉદાણી, પૂર્વ મેયરો અમીબેન પરીખ, બીનાબેન કોઠારી, હસમુખ જેઠવા, સામાજિક અગ્રણી તથા જામનગર ડીસ્ટ્રિક કો ઓપરેટીવ બેંકના, ચેરમેન જીતુભાઈ લાલ, સહિત શિક્ષણ સમિતિના સભ્યો, સામાજિક સંસ્થાના હોદેદારો, વિવિધ મોરચાના પદાધિકારીઓ, કોપોરેટરો, કાર્યકર્તાઓ, વોર્ડ સમિતિના પદાધિકારીઓ, પેઇજ સમિતિના પ્રમુખો સહિત વિશાળ સંખ્યામાં કાર્યકર્તાઓ ઉપસ્થિત રહ્યા હતા.
-ભાજપના ઉમેદવારનું ફૂલોથી સ્વાગત
જામનગર લોકસભા ચુંટણી અંતર્ગત જામનગર દક્ષીણ બેઠકના ભાજપના મધ્યસ્થ કાર્યાલયના ઉદ્ઘાટન વેળાએ પૂનમબેન માડમ જયારે કાર્યાલય ખાતે પહોચ્યા ત્યારના અહેવાલો કહે છે કે સ્થાનિક મહિલાઓમાં એટલો ઉત્સાહ હતો કે તેવાઓએ પૂનમબેન માડમનું સ્વાગત ફૂલોની છોળો ઉડાડીને અનોખું સ્વાગત કર્યું હતું
