Mysamachar.in-અમદાવાદ
એક દિવસ મુખ્યમંત્રી બનવાની વાત આવે એટલે સામે અનીલકપૂર ના રોલ વાળું નાયક ફિલ્મ યાદ આવી જાય… પણ ગુજરાતના નાયબ મુખ્યમંત્રી નીતિન પટેલને લાલજીભાઈ નામના એક વ્યક્તિએ ફોન કરી અને એક દિવસ ગુજરાતના મુખ્યમંત્રી બનવાની ઈચ્છા વ્યક્ત કરી હોવાની એક ઓડિયો સોશ્યલ મીડિયામાં વાઈરલ થઇ રહી છે. તાજેતરમાં જ ઉત્તરાખંડમાં એક દિવસના મુખ્યમંત્રી બનાવ્યા બાદ હવે ગુજરાતમાં પણ એક દિવસના સીએમ બનવાની ઈચ્છા એક વ્યક્તિને જાગી હોય તેમ આ વાતચીત પરથી લાગે છે, અમદાવાદના ધોલેરાના એક વ્યક્તિએ રાજ્યના ડેપ્યૂટી સીએમ નીતિન પટેલને ફોન કરીને એક દિવસના સીએમ બનવા માટે ઈચ્છા વ્યક્ત કરી હોવાની માહિતી મળી રહી છે. સોશિયલ મીડિયામાં હાલ ડેપ્યૂટી સીએમ નીતિન પટેલ અને ધોલેરાના લાલજીભાઈનો ઓડિયો ક્લીપ વાયરલ થતા ખળભળાટ મચી જવા પામ્યો છે.
લાલજીભાઈએ નાયબ મુખ્યમંત્રી નીતિન પટેલને ફોન કરીને એક દિવસના મુખ્યમંત્રી બનવા માટેની ઇચ્છા વ્યક્ત કરી હતી. બીજી બાજુ નાયબ મુખ્યમંત્રી નીતિન પટેલ લાલજીભાઈની ઈચ્છા સાંભળી ખડખડાટ હસી પડ્યા હતા, જે વાયરલ થયેલી ઓડિયો ક્લીપમાં સ્પષ્ટ સંભળાય છે. આ મુદ્દે રમૂજી પણ સર્જાઈ હતી. હાલ નાયબ મુખ્યમંત્રી નીતિન પટેલ અને લાલજીભાઈ વચ્ચેની ટેલિફોનિક વાતચીતનો ઓડિયો વાયરલ થયો છે. જો કે, સોશિયલ મીડિયામાં વાયરલ થયેલી ડેપ્યૂટી સીએમ નીતિન પટેલ અને લાલજીભાઈના ઓડિયો ક્લીપની “Mysamachar.in” પુષ્ટિ કરતું નથી.
