Mysamachar.in-જામનગરઃ
આજના ફાસ્ટફૂડના યુગમાં કોલેસ્ટ્રોલ તથા મોટાપાની તકલીફનું પ્રમાણ વધી ગયું છે. મોટાભાગના પુરુષોથી લઇને મહિલાઓમાં વજન વધવાની ચિંતા હોય છે. જો કે વધતા વજનને કાબુમાં કરવાનો ઘરગથ્થુ ઉપાય આપણા રસોડામાં ઉપલબ્ધ છે. આમનો વિટામીનથી ભરપૂર એવા કઠોળ વજન ઘટાડવામાં પણ મદદરૂપ થાય છે. શરીર માટે ફણગાવેલા કઠોળ ખૂબ ફાયદાકારક છે. ચણા, બદામ, મગ વગેરેને ફણગાવી તૈયાર કરેલા સ્પ્રાઉટ્સમાં અનેક પોષક તત્વો હોય છે. તેનું સેવન જો સવારના નાસ્તામાં કરવામાં આવે તો તે ફાયદાકારક સાબિત થાય છે. સ્પ્રાઉટ્સ ખાવાથી માનસિક અને શારીરિક સ્વાસ્થ્ય સુધરે છે. સાથે સાથે વજન સરળતાથી ઘટાડી શકો છો. આ ઉપરાંત ગેસ અને કબજિયાત જેવી સમસ્યા પણ દૂર થાય છે.
સ્પ્રાઉટ્સના અઢળક ફાયદા
ફણગાવેલા અનાજમાં કેલ્શિયમ, ફોસ્ફરસ, પોટેશિયમ, મેગ્નેશિયમ, આયરન, વિટામિન એ અને વિટામિન કે હોય છે. જો તમે દરરોજ તેનું સેવન કરશો તો શરીરના અનેક રોગ દૂર થાય છે. અનાજને પાણીમાં પલાળી અને સ્પ્રાઉટ્સ બનાવવાથી તેમાં રહેલા એંટી ન્યૂટ્રિએંટ્સ જેવા તત્વો દૂર થાય છે. આ કઠોળ ભૂખ વધારે છે અને સાથે જ પાચનક્રિયા પણ સુધારે છે. આ સિવાય શરીરમાંથી ટોક્સિન દૂર થાય છે. તેને સવારના નાસ્તામાં ખાવાથી દિવસભર શરીરને ઊર્જા મળતી રહે છે. તેનું સેવન કરવાથી કુપોષણ પણ દૂર થાય છે. ફણગાવેલા અનાજમાં પોષક તત્વો અનેકગણા વધી જાય છે. તેના કારણે તે કબજિયાત અને ગેસની સમસ્યાઓથી પણ રાહત આપે છે. કઠોળ સગર્ભા સ્ત્રીઓ માટે પણ તે ફાયદાકારક છે. ફણગાવેલા કઠોળ ખાવાથી તેમનું સ્વાસ્થ્ય અને બાળકનું સ્વાસ્થ્ય પણ સારું રહે છે. તેમાં જે એન્ટીઓકિસડન્ટ હોય છે જે વૃદ્ધત્વના લક્ષણો ઘટાડે છે. તેમાં ફાઇબર, પ્રોટીન તેમજ વિટામિન એ હોય છે જે આંખોનું તેજ વધારવામાં મદદગાર છે.
