ભેજાબાજે બાઈકની સીટ નીચે બનાવ્યું ખાનું અને શરુ કરી હેરાફેરી 

Mysamachar.in-અમદાવાદ:

દેશ સહીત ગુજરાતભરમાં એક તરફ કોરોના મહામારી છે અને તેને ફેલાતી અટકાવવા માટે હાલ લોકડાઉન છે, પરંતુ આવા સમયમાં પણ કેટલાક લોકો અલગ-અલગ તરકીબો વાપરી દારૂની  હેરાફેરી કરી રહ્યાં છે.વાત અમદાવાદની છે, અમદાવાદના ગોમતીપુરનો રહેવાસી એવા ઇમરાન સંધી નામના વ્યક્તિની મેઘાણીનગર પોલીસે ધરપકડ કરી છે, અને તેની પાસેથી એક બાઈક પણ કબ્જે કર્યું છે. આરોપી પોતાની બાઈકમાં આવેલ સીટ નીચે એક ચોરખાનું બનાવી તેમાં દેશી દારૂ લઈને જઈ રહ્યો હતો.અને પોલીસે તેને પકડી પાડ્યો છે.પોલીસની તપાસમાં સામે આવ્યું છે કે આરોપી છારાનગરમાં રહેતા બાદલ પાસેથી દારૂ લઈને આવ્યો હતો. અને પોતાના વિસ્તારમાં વેચવા જઈ રહ્યો હતો.