Mysamachar.in-વલસાડ
વલસાડ જિલ્લા પોલીસે દમણ અને સેલવાસ ચેકપોસ્ટ ઉપર વાહન ચેકીંગ હાથ ધરી રહી છે. જેમાં એક કારમાંથી 43 બોટલ દારૂના જથ્થા સાથે સુરતનો પોલીસ કોન્સ્ટેબલ સહિત 4 ઇસમોને ઝડપી પાડયા હતા.પારડી તાલુકાના કલસર પોલીસ ચેકનાકા દમણ પાતળિયા તરફથી આવતી એક સ્વિફ્ટ કાર નં GJ-05-JQ-3444 ને રોકી કારમાં ચેક કરતા કારમાંથી 43 બોટલ વિદેશી દારૂનો જથ્થો જેની કિંમત રૂ 15,700નો દારૂનો જથ્થો મળી આવ્યો હતો. કારમાં દારૂ સાથે સુરતના પોલીસકર્મી સહિત 4 ઈસમો સામે પ્રોહિબીશનનો ગુનો પારડી પોલીસે નોંધ્યો હતો. જેમાં સુરત અઠવાલાઇન્સનો પોલીસ કોન્સ્ટેબલ રિંકેશ ગણેશભાઈ સારંગ કારમા દારૂના જથ્થા સાથે ઝડપાયો હતો. તેના જોડે અન્ય કલ્પેશ મોહનભાઈ સેલર, કેતન ઠાકોરભાઈ સેલર અને રાહુલ અતુલભાઈ સેલર ચારે રહેવાસી સુરતની ધરપકડ કરી હતી. મહત્વનું છે કે 2 દિવસ પૂર્વે જામનગરનો ડિસમિસ પોલીસકર્મી દિગુભા પણ અહીંથી દારૂ સાથે પોલીસે ઝડપી પાડયો હતો.
