Mysamachar.in-ગાંધીનગર:
સમગ્ર દેશની સાથેસાથે ગુજરાતમાં પણ લોકસભા ચૂંટણીઓની જાહેરાત થઈ એ અગાઉ રાજ્યના ગૌણ સેવા પસંદગી મંડળ દ્વારા રાજ્યમાં ભરતી પરીક્ષાઓ જાહેર કરવામાં આવી હતી પરંતુ ચૂંટણીઓ જાહેર થતાં આ પરીક્ષાઓ મોકૂફ જાહેર કરવામાં આવી હતી, હવે ફરીથી આ પરીક્ષાઓની નવી તારીખોની જાહેરાત થઈ છે, જે મતદાન પછીના દિવસોમાં છે.
ગૌણ સેવા પસંદગી મંડળ દ્વારા જૂનિયર ક્લાર્ક સહિતની વિવિધ કેડરની પરીક્ષાઓની તારીખો જાહેર કરવામાં આવી છે. જેમાં જણાવાયું છે કે, આ પરીક્ષાઓ 11,13,14,16,17 અને 20 મે ના દિવસોએ લેવામાં આવશે. આ પરીક્ષાઓ ચાર શિફટમાં લેવામાં આવશે. અગાઉ આ પરીક્ષાઓ 4 તથા 5 મે ના દિવસે લેવામાં આવશે એવી જાહેરાત બાદ હવે આ નવી તારીખો જાહેર થઈ છે. વિવિધ કેડરના કુલ 5,554 પદો માટે આ પરીક્ષાઓથી સીધી ભરતીઓ થશે. આગામી 8 મે થી ઉમેદવારો કોલલેટર ડાઉનલોડ કરી શકશે.
