Mysamachar.in-જામનગરઃ
આજના યુગમાં મોબાઇલ જરૂરી અંગ બની ગયું છે. મોબાઇલથી અનેક કામો ઝડપી બન્યા છે, પરંતુ મોબાઇલ ખોવાઇ જવાની સમસ્યા પણ વધી રહી છે. જો કે હવે મોબાઇલ ખોવાય તો ચિંતા કરવાની જરૂર નહીં રહે, કારણ કે કેન્દ્ર સરકાર એક મહત્વના પ્રોજેક્ટ પર કામ કરી રહી છે. આ પ્રોજેક્ટ અંતર્ગત એક ખાસ પોર્ટલ લોન્ચ કરવામાં આવ્યું છે, જેમાં ચોરી થયેલા મોબાઇલ ફોનને ટ્રેક અને બ્લોક કરી શકાશે જેથી તે ફોનનો કોઈ દુરુપયોગ કરી શકે નહિ. આ વેબપોર્ટલ હાલ પૂરતું માત્ર દિલ્હી માટે હશે. આ પહેલા તેને પાયલોટ પ્રોજેક્ટ તરીકે મુંબઈમાં સપ્ટેમ્બર, 2019માં લોન્ચ કરવામાં આવ્યું હતું. હવે દિલ્હીમાં આ ખાસ પોર્ટલ દ્વારા લોકો ચોરી થઇ ગયેલો મોબાઇલ ફોન ટ્રેક અને બ્લોક કરી શકશે. પોલીસની મદદથી ચોરી થઇ ગયેલા ફોનને ટ્રેક કરીને શોધી શકાશે.
સરકારના દુરસંચાર વિભાગ તરફથી વેબપોર્ટલ માટે દેશમાં રહેલા મોબાઈલ ફોનનો ડેટા કલેક્ટ કરવામાં આવ્યો છે, જેને સેન્ટ્રલ ઇકવીપમેન્ટ આઇડેન્ટિટી રજીસ્ટર નામ આપવામાં આવ્યું છે. દેશના દરેક મોબાઈલના IMEI નંબરને રજીસ્ટર કરવામાં આવ્યા છે. જો તમારો ફોન ચોરી થઇ જાય છે તો પોલીસ સ્ટેશનમાં ફરિયાદ દાખલ કરાવ્યા બાદ બ્લોક કરવામાં આવશે. જે પછી કોઈપણ ઓપરેટર અથવા નેટવર્ક પર કાર્ય કરશે નહિ. આ ડેટાબેઝ પરથી પોલીસને ફોન શોધવામાં સરળતા રહશે. દેશમાં ક્યાંય પણ આ ફોનનો ઉપયોગ કરવામાં આવશે તો પોલીસ સરળતાથી તેને શોધી શકશે.
-આવી હશે પ્રોસેસ..
તમારો ફોન ચોરી કે ગુમ થઇ ગયો છે તો સૌથી પહેલા તમારે પોલીસ સ્ટેશનમાં ફરિયાદ દાખલ કરવી પડશે. પોલીસ સ્ટેશનમાં કરવામાં આવેલી ફરિયાદની એક કોપી આપની પાસે અવશય રાખજો. ત્યારબાદ પોતાની ટેલિકોમ સર્વિસ પ્રોવાઇડર કંપનીની મદદથી નવા સીમકાર્ડ માટે અરજી કરો. નવું સીમકાર્ડ જૂના નંબરનું જ ખરીદજો. વેબપોર્ટલ પર અરજી કરતા પહેલા જરૂરી દસ્તાવેજ તૈયાર રાખજો. જેમાં પોલીસની ફરિયાદ કોપી, તમારું ઓળખાણ પત્ર હોવું જરૂરી છે. જો તમારી પાસે મોબાઈલનું બિલ છે તો એ પણ રજુ કરવું. ત્યારબાદ આ સાઈટ પર જઈને એક રજીસ્ટ્રેશન નંબર ભરવો પાડશો જેથી આઇએમઆઈને બ્લોક કરવામાં આવે. સાથે જ નવા ડોક્યુમેન્ટ પણ અપલોડ કરવા પડશે. જયારે ફોર્મને સબમિટ કરશો ત્યારે તમને એક રિકવેસ્ટ આઈડી મળશે. જે આઇડીની મદદથી તમે રિકવેસ્ટ સ્ટેટ્સને જાણી શકશો. રિકવેસ્ટ સ્ટેટસની માળાથી ભવિષ્યમાં IMEI નંબરને અનબ્લોક પણ કરાવી શકશો.
